આજનું પંચાંગ
૧૧/૦૨/૨૦૨૩ શનિવાર
માસ મહા
પક્ષ કૃષ્ણ
તિથિ છઠ્ઠ
નક્ષત્ર ચિત્રા
યોગ શૂળ સવારે ૧૦:૫૦ પછી ગંડ
કરણ ગર
રાશિ કન્યા (પ.ઠ.ણ.) સવારે ૦૭:૩૧ પછી તુલા (ર.ત.)
આજનું રાશિ ભવિષ્ય
મેષ (અ.લ.ઈ.)
આ રાશિના જાતકોને આજે શાંતિ જણાશે. ખાસ કરીને તમારા કામકાજમાં સામાન્ય ઉચાટ જણાશે. મેષ રાશિના જાતકોએ આજે વિવાદિત કાર્યોથી દૂર રહેવું. તો તબિયત બાબતે ખાસ કાળજી રાખવી.
વૃષભ (બ.વ.ઉ.)
આ રાશિના જાતકોને આજે સંતાનોના પ્રશ્નોમાં સમાધાન મળશે. તેમજ દામ્પત્ય જીવનમાં સામાન્ય અશાંતિ જણાશે. વૃષભ રાશિના જાતકોને આજે કામકાજમાં ઓછો સહયોગ મળશે. તેમજ ધંધા-વેપારમાં આજે સાચવીને કામ કરવું.
મિથુન (ક.છ.ઘ.)
આ રાશિના જાતકો આજે કામના ભારને હળવો કરી શકશે. સહકર્મચારીના સંબંધોમાં ખાસ સુધારો જણાશે. મિથુન રાશિના જાતકોને આજે સહકર્મચારીઓનો સહયોગ મળશે. તેમજ પારિવારિક પ્રશ્નોમાં હળવાશ અનુભવશો.
કર્ક (ડ.હ.)
આ રાશિના જાતકોએ આજે યાત્રા-પ્રવાસમાં ખાસ સાવધાની રાખવી. તો નવી વસ્તુ ખરીદવાથી લાભ જણાશે. કર્ક રાશિના જાતકોને આર્થિક સ્થિતિમાં સુધારો જોવા મળશે. આ ઉપરાંત પદ અને પરિવારને સરખું મહત્વ આપો.
સિંહ (મ.ટ.)
સિંહ રાશિના જાતકોને આજના દિવસે આવકના નવા સાધનો મળશે. તમારી સમસ્યાઓમાં સમાધાન મળશે. ખાસ કરીને આજે તમને વિરોધીઓથી પરેશાની વધશે. આ રાશિના જાતકોએ કોઈ કામમાં ઉતાવળ કરવી નહીં.
કન્યા (પ.ઠ.ણ.)
કન્યા રાશિના જાતકોએ આજે ધર્મકાર્ય માટે બહાર જવું પડે. આજે તમને સ્નેહીજનોની મુલાકાતથી લાભ થશે. આજે તમે ઉત્તમ આનંદ મેળવી શકશો. આ રાશિના જાતકોએ ખાસ કરીને આજે ધનપ્રાપ્તિ માટે અધિક મહેનત કરવી પડશે.
તુલા (ર.ત.)
તુલા રાશિના જાતકોને આજે કામકાજમાં અનુકૂળતા જણાશે. તો તબિયત બાબતે ખાસ કાળજી રાખવી. આજે તમારે કામ વધારે છત્તાં આનંદ જણાશે. આ રાશિના જાતકોને મનોકામનાની પૂર્તિ માટે સારો સમય છે.
વૃશ્ચિક (ન.ય.)
વૃશ્ચિક રાશિના જાતકોને આજે રોકાયેલા કાર્યો પૂરાં થશે. આજે તમારી આર્થિક સ્થિતિમાં સુધારો જોવા મળશે. આજના દિવસે જમીન-વાહન લે-વેચથી ખાસ લાભ જણાશે. આ રાશિના જાતકોએ ધંધામાં મહેનત વધારે કરવી પડશે.
ધન (ભ.ધ.ફ.ઢ.)
આ રાશિના જાતકોએ આજે રોકાણના નિર્ણયમાં ઉતાવળ કરવી નહીં તથા વાણી-વ્યવહારમાં નમ્રતા રાખવી. આજના દિવસે સગા-સંબંધીઓમાં તણાવ જણાશે. ધન રાશિના જાતકોએ પારિવારિક સંબંધોમાં સાચવીને કામ કરવું.
મકર (ખ.જ.)
આ રાશિના જાતકોએ વડીલવર્ગની તબિયત વિશે ખાસ ચિંતા રહેશે. થોડી બેચેની અને કામની ચિંતા રહેશે. આજે તમારે અગત્યના નિર્ણયો સાચવીને કરવા. મકર રાશિના જાતકોએ કામકાજ સંભાળીને કરવું.
કુંભ (ગ.શ.ષ.સ.)
કુંભ રાશિના જાતકોને આજે કામમાં નવા અવસરો મળશે. સંપત્તિ સંબંધી વિવાદોમાં સફળતા મળશે. આજે તમને ભાગ્યોદય માટે ઉત્તમ તકો મળશે. આ રાશિના જાતકોને દામ્પત્ય સુખમાં વૃદ્ધિ થશે.
મીન (દ.ચ.ઝ.થ.)
મીન રાશિના જાતકોને આજે મહત્વના કાર્યોમાં સફળતા, સહયોગ મળશે. ખાસ કરીને આજે વ્યક્તિગત કામમાં ધ્યાન આપી શકશો. તો સ્વાસ્થ્ય બાબતે સાવધાની રાખવી. આ રાશિના જાતકોને જીવનસાથી સાથે થોડો મતભેદ જણાશે.