ગુજરાતમાં આગામી ૫ દિવસ હળવાથી મધ્યમ વરસાદની આગાહી, દરિયાકાંઠે ભારે પવન ફૂંકાવવાની સંભાવનાને જોતા આવતીકાલે માછીમારોને દરિયો ન ખેડવાની સૂચના.
ગુજરાતમાં છેલ્લા કેટલાક દિવસોથી વરસાદે વિરામ લીધો છે, અત્યારે કેટલાક વિસ્તારોમાં સામાન્ય ઝાપટા પડી રહ્યા છે. આ વચ્ચે હવે ગુજરાતમાં આગામી ૫ દિવસ હળવાથી મધ્યમ વરસાદની આગાહી કરવામાં આવી છે. હવામાન વિભાગ દ્વારા દક્ષિણ ગુજરાત અને ઉત્તર ગુજરાતમાં પણ સામાન્ય વરસાદની આગાહી કરવામાં આવી છે. હવામાન વિભાગે સૌરાષ્ટ્રમાં પણ છૂટાછવાયા વરસાદની આગાહી છે.
હવામાન વિભાગની આગાહી મુજબ, આગામી 5 દિવસ સૌરાષ્ટ્રમાં સામાન્યથી મધ્યમ વરસાદ વરસી શકે છે. સાથે જ અમદાવાદ અને ગાંધીનગરમાં પણ સામાન્ય વરસાદની આગાહી હવામાન વિભાગ દ્વારા કરવામાં આવી છે. આગામી ૫ દિવસ દરિયાકાંઠે ભારે પવન ફૂંકાવવાની સંભાવના પણ છે. જેના કારણે આવતીકાલે માછીમારોને દરિયો ન ખેડવાની સૂચના આપવામાં આવી છે.