હવામાન વિભાગે ઠંડીને લઈને જણાવ્યું કે, રાજ્યમાં હજુ ઠંડીનુ જોર યથાવત રહેશે તેમજ રાજ્યમાં વાદળછાયું વાતાવરણ રહેશે.
રાજ્યમાં કડકડતી ઠંડી વચ્ચે હવામાન વિભાગની વધુ એક આગાહી સામે આવી છે. હવામાન વિભાગે ઠંડીને લઈને જણાવ્યું કે, રાજ્યમાં હજુ ઠંડીનુ જોર યથાવત રહેશે તેમજ રાજ્યમાં વાદળછાયું વાતાવરણ રહેશે. વધુમાં કહ્યું કે, હાલ રાજ્યમાં વરસાદની કોઈ શકયતા નથી.
ઉત્તરીય પવનોના કારણે ઓછુ તાપમાન નોંધાયું
અત્રે જણાવીએ કે, પવનની ગતિ ૬ કિલોમીટરની ઝડપે રહેશે તેમજ ગાંધીનગરમાં સૌથી ઓછુ તાપમાન નોંધાયું જ્યારે ઉત્તરીય પવન ફૂંકાવવાને લઈને ગાંધીનગર અને ડીસામાં ઓછું તાપમાન રહ્યું છે. ગાંધીનગરમાં ૧૧ અને ડીસામાં ૧૧.૧૦ ડિગ્રી તાપમાન નોંધાયું જ્યારે નલિયા ૧૨.૧૦ ડિગ્રી તાપમાન નોંધાયું હતું.
ધુમ્મસને કારણે વિમાની સેવા પ્રભાવિત
ઉત્તર ભારતમાં ધુમ્મસને કારણે વિમાની સેવા પ્રભાવિત થઈ છે. જેમાં અમદાવાદની કેટલીક ફ્લાઈટ્સ પ્રભાવિત થઈ હતી. મોટાભાગની ફ્લાઈટ ૧ કલાક જેટલો સમય મોડી પડી હતી. ઉત્તર ભારતમાં ધુમ્મસને કારણે વિઝિબિલીટી ઘટતા અનેક ફ્લાઈટ પ્રભાવિત થઈ હતી. ત્યારે દિલ્લી, લખનૌ, ચેન્નાઈ સહિતની ફ્લાઈટને અસર થઈ હતી.