ઈસરો ‘નોટી બોય’ દ્વારા આજે ઈનસેટ-૩ ડીએસ નું લોન્ચિંગ કરશે

ઈન્ડિયન સ્પેસ રિસર્ચ ઓર્ગેનાઈઝેશન (ઈસરો) આજે તેના હવામાન ઉપગ્રહ ઈનસેટ-૩ ડીએસ ને લોન્ચ કરશે. આ લોન્ચિંગ જીએસએલવી એફ૧૪ ને રોકેટ દ્વારા કરાશે. ઈનસેટ-૩ ડીએસ સેટેલાઈટના લોન્ચિંગનો ઉદ્દેશ્ય હવામાન સંબંધિત અને પ્રાકૃતિક આપત્તિઓની સચોટ જાણકારી મેળવવાનો છે. લોન્ચિંગ આજે સાંજે ૦૫:૩૫ વાગ્યે આંધ્રપ્રદેશના શ્રીહરિકોટા સ્થિત સતીશ ધવન સ્પેસ સેન્ટર ખાતેથી કરાશે.

જીએસએલવી એફ૧૪ હવામાન સેટેલાઇટ ઈનસેટ-૩ ડીએસને પૃથ્વીની ભૂસ્થૈતિક કક્ષામાં સ્થાપિત કરશે. આ મિશનનું સંપૂર્ણ ફન્ડિંગ ભારત સરકારના પૃથ્વી વિજ્ઞાન મંત્રાલય દ્વારા કરાયું છે. આ લોન્ચિંગ અંતરિક્ષ જગતમાં ભારતના વધતા દબદબાની દિશામાં મહત્ત્વપૂર્ણ પગલું છે.

ઈનસેટ-૩ ડીએસ સેટેલાઈટ દરિયાની સપાટીનું ઝીણવટપૂર્વક અભ્યાસ કરશે જેનાથી હવામાનની સચોટ જાણકારી મળી શકે અને સાથે જ પ્રાકૃતિક આપત્તિઓ વિશે પણ સચોટ અનુમાન લગાવી શકાય. જ્યારે પ્રાકૃતિક આપત્તિઓની અગાઉથી સચોટ માહિતી મળશે તો તેને રોકવા માટે પણ અસરદાર ઉપાયો કરવામાં મદદ મળશે. ભારતીય હવામાન એજન્સીઓ માટે આ હવામાન સેટેલાઈટ અત્યંત મહત્ત્વપૂર્ણ સાબિત થશે.

ઈનસેટ-૩ ડીએસ નું લોન્ચિંગ જે રોકેટ જીએસએલવી એફ૧૪ થી કરાશે તેને નોટી બોય પણ કહેવાય છે. ખરેખર નોટી બોય એટલા માટે કેમ કે જીએસએલવી એફ૧૪ નું આ ૧૬ મું મિશન હશે અને અગાઉ તેના ૪૦ % મિશન નિષ્ફળ ગયા છે.