બેકાબૂ ટ્રકે ટ્રેક્ટરને ફંગોળી નાખતાં ૧૦ લોકોનાં કમકમાટીભર્યા મોત.
ઉત્તરપ્રદેશના મિર્ઝાપુરમાં ટ્રક અને ટ્રેક્ટર વચ્ચે ભયંકર એક્સિડેન્ટ થયો છે, જેમાં ૧૦ મજૂરોના ઘટના સ્થળે કરુણ મોત થયા છે.
ઉત્તરપ્રદેશના મિર્ઝાપુર જિલ્લામાં ટ્રક અને ટ્રેક્ટર વચ્ચે ભયંકર અકસ્માત થયો છે. મોડી રાત્રે ૧૨:૩૦ વાગે આસપાસ થયેલા અકસ્માતમાં ૧૦ મજૂરોના કરુણ મોત થયા છે અને ૩ વ્યક્ત ઘાયલ થયા છે. ઘાયલ વ્યક્તિઓને વારાણસીના ટ્રોમા સેન્ટરમાં દાખલ કરવામાં આવ્યા છે. આ તમામ મજૂરો વારાણસીના રહેવાસી હતા. મીડિયા રિપોર્ટમ મુજબ આ અકસ્માત થયો તે સમયે ટ્રેક્ટર ટ્રોલીમાં ૧૩ મજૂરો હતા. અકસ્માત બાદ લોકો ગુસ્સે ભરાયા અને ગામના લોકોએ વારાણસી પ્રયાગરાજ હાઇવે જામ કરી દીધો હતો.