BSE સેન્સેક્સ આજે ઘટાડા સાથે ખુલ્યો હતો. ઈન્ટ્રા-ડે ટ્રેડ દરમિયાન તે ઘટીને ૮૧,૫૫૧.૨૮ પોઈન્ટ થઈ ગયો હતો. અંતે, સેન્સેક્સ ૦.૪૭ % અથવા ૩૮૪.૫૫ પોઈન્ટ ઘટીને ૮૧,૭૪૮.૫૭ પર બંધ થયો.
વૈશ્વિક બજારના મિશ્ર સેન્ટિમેન્ટ વચ્ચે સપ્તાહના પ્રથમ ટ્રેડિંગ સેશનમાં સોમવારે સ્થાનિક શેરબજારો ઘટાડા સાથે બંધ થયા હતા. ત્રીસ શેરનો BSE સેન્સેક્સ આજે ઘટાડા સાથે ખુલ્યો હતો. ઈન્ટ્રા-ડે ટ્રેડ દરમિયાન તે ઘટીને ૮૧,૫૫૧.૨૮ પોઈન્ટ થઈ ગયો હતો. અંતે, સેન્સેક્સ ૦.૪૭ % અથવા ૩૮૪.૫૫ પોઈન્ટ ઘટીને ૮૧,૭૪૮.૫૭ પર બંધ થયો.
નેશનલ સ્ટોક એક્સચેન્જ (NSE) નો નિફ્ટી-૫૦ પણ ૦.૪૯ % અથવા ૧૨૦.૫૦ પોઈન્ટના ઘટાડા સાથે ૨૪,૬૪૭.૮૦ પર બંધ થયો હતો. નિફ્ટીની ૪૦ કંપનીઓના શેર લાલ નિશાનમાં બંધ થયા છે. માત્ર ૯ કંપનીઓના શેર લીલા નિશાનમાં રહ્યા જ્યારે એકના શેરમાં કોઈ ફેરફાર થયો ન હતો.
સેન્સેક્સ કંપનીઓમાં ટાઇટનના શેર સૌથી વધુ ૧.૯૩ % ઘટીને બંધ થયા. ઉપરાંત, અદાણી પોર્ટ્સ, અલ્ટ્રા સિમેન્ટ, ટીસીએસ, એનટીપીસી, ભારતી એરટેલ, ટેક મહિન્દ્રા, જેએસડબ્લ્યુ સ્ટીલ, હિન્દુસ્તાન યુનિલિવર ઇન્ફોસિસ, ટાટા મોટર્સના શેરમાં મુખ્યત્વે ઘટાડો થયો હતો.
બજારમાં ઘટાડા છતાં ઈન્ડસઈન્ડ બેંક, બજાજ ફાઈનાન્સ, પાવર ગ્રીડ, મહિન્દ્રા એન્ડ મહિન્દ્રા, એક્સિસ બેંક અને આઈસીઆઈસીઆઈ બેંકના શેર વધારા સાથે બંધ રહ્યા હતા.
ફેડરલ બેંક ઓફ અમેરિકા, સેન્ટ્રલ બેંક ઓફ અમેરિકા દ્વારા વ્યાજ દર ઘટાડવા અંગેની અનિશ્ચિતતાઓને કારણે આઈટી શેરોમાં ભારે વેચવાલી જોવા મળી હતી, આ સિવાય ચીનના નબળા આર્થિક ડેટા બાદ મેટલ શેરોમાં ઘટાડાની પણ બજારના સેન્ટિમેન્ટ પર નકારાત્મક અસર પડી હતી.તે જ સમયે, ઇન્ડેક્સમાં ભારે વેઇટેજ ધરાવતી રિલાયન્સ ઇન્ડસ્ટ્રીઝ, એચડીએફસી બેંક અને ભારતી એરટેલના શેરના ઘટાડાએ પણ બજારને નીચે ખેંચ્યું હતું.
