અમૂલે ગુજરાતમાં દૂધના ભાવમાં ઘટાડો કર્યો છે. હાલ અમુલ ગોલ્ડ, અમુલ ફ્રેશ અને ટી સ્પેશિયલ દૂધના ભાવમાં ઘટાડો કર્યો છે.
સામાન્ય રીતે દૂધના ભાવમાં વધારો થવાના સમાચાર લાંબા સમયથી આવી રહ્યા છે. પરંતુ હવે દેશની સૌથી મોટી ડેરી બ્રાન્ડ અમૂલે મોંઘવારીથી રાહત આપતા દૂધના ભાવમાં ઘટાડો કર્યો છે. અમૂલે ગુજરાતમાં દૂધના ભાવમાં ઘટાડો કર્યો છે. હાલ અમુલ ગોલ્ડ, અમુલ ફ્રેશ અને ટી સ્પેશિયલ દૂધના ભાવમાં ઘટાડો કર્યો છે. દૂધ સસ્તુ હોવાના સમાચાર ગ્રાહકોને જરૂરથી રાહત આપશે.
એવી આશા રાખવામાં આવી રહી છે કે અમૂલનું દૂધ સસ્તું થવાથી અન્ય ડેરી કંપનીઓને પણ અસર થશે અને તેમણે દૂધના ભાવમાં પણ ઘટાડો કરવો પડશે. અમૂલ ગોલ્ડ, અમુલ તાજા અને અમૂલ ટી સ્પેશિયલના ૧ લિટર પાઉચની કિંમતમાં ૧ રૂપિયાનો ઘટાડો કરવામાં આવ્યો છે.
અમૂલ દૂધના નવા ભાવ
જાણકારી અનુસાર અમૂલ ડેરીએ દૂધની ત્રણ બનાવટો – અમૂલ ગોલ્ડ, અમૂલ ફ્રેશ અને ટી સ્પેશિયલના ભાવમાં લિટર દીઠ ૧ રૂપિયાનો ઘટાડો કર્યો છે. અમૂલ ગોલ્ડનું એક પેકેટ હવે ૬૬ રૂપિયાના બદલે ૬૫ રૂપિયામાં મળશે. અમૂલ તાજા દૂધ હવે ૫૪ રૂપિયાના બદલે ૫૩ રૂપિયામાં ખરીદી શકાશે. અમૂલ ટી સ્પેશિયલ દૂધનું એક લિટર પાઉચ હવે ૬૨ રૂપિયાના બદલે ૬૧ રૂપિયામાં વેચાશે.
