કેરોનિલ જૂરી વર્ષ 2019માં મિસિસ શ્રીલંકા બની હતી અને હાલના સમયમાં મિસિસ વર્લ્ડનો તાજ પણ તેના જ માથે છે. આવામાં તે આ વર્ષે મિસિસ શ્રીલંકા સ્પર્ધામાં જજ તરીકે સામેલ થઈ હતી.
મિસિસ વર્લ્ડ કેરોનિલ જ્યૂરીની ધરપકડ
કોલંબો: મિસિસ વર્લ્ડ કેરોનિલ જ્યૂરીની શ્રીલંકામાં ધરપકડ કરાઈ છે. તે ગત વર્ષ એટલે કે 2019માં મિસિસ શ્રીલંકા બની હતી અને ત્યારબાદ તેણે આ સ્પર્ધાના વૈશ્વિક મંચ પર શ્રીલંકાને ઓળખ અપાવતા આ ટ્રોફી જીતી હતી. પરંતુ આ વર્ષે મિસિસ શ્રીલંકાની ફિનાલેમાં તેણે એવી તે ઉતાવળ કરી નાખી કે હવે તેની સાથે આખા શ્રીલંકાએ શરમજનક સ્થિતિમાં મૂકાવવું પડ્યું છે.
ગેરસમજના કારણે બબાલ
વાત જાણે એમ હતી કે આ વર્ષે તેણે જ વિનર તરીકે મિસિસ શ્રીલંકાની સ્પર્ધાની વિનર તરીકે પુષ્પિકા ડી સિલ્વાનું નામ જાહેર થયું કર્યુ હતું. પરંતુ પછી તેને ખબર પડી કે પુષ્પિક ડી સિલ્વા આ તાજ માટે યોગ્ય નથી. કારણ કે તે ડિવોર્સી છે. આવામાં ખોટી જાણકારી પર ભરોસો મૂકતા તેણે મંચ પર જ પુષ્પિકા ડી સિલ્વા પાસેથી તાજ છીનવી લીધો હતો અને રનર અપ રહેલી સ્પર્ધકને તાજ પહેરાવી દીધો.
મિસિસ શ્રીલંકાએ કેસ દાખલ કર્યો
આ ઘટના બાદ આયોજકોની ખુબ ટીકા થઈ હતી અને મિસિસ શ્રીલંકા ચૂંટાઈ આવેલી પુષ્પિકા ડી સિલ્વાએ કહ્યું હતું કે આ મામલે તે કાનૂની કાર્યવાહી કરશે. કારણ કે તેને માથા પરથી તાજ ઉતારતી વખતે ઈજા થઈ હતી. હવે આ મામલે શ્રીલંકાની પોલીસે કેરોનિલ જ્યૂરીની ધરપકડ કરી છે.
આયોજકોએ માંગી હતી માફી
આ ઘટના બાદ મિસિસ વર્લ્ડના આયોજકોએ માફી માંગી અને કહ્યું કે તેમણે આ એવોર્ડ પુષ્પિકા ડી સિલ્વાને જ આપવાનો નિર્ણય કર્યો છે અને કહ્યું કે મિસિસ વર્લ્ડે મંચ પર જે કઈ કર્યું તેના માટે તેમને ખુબ ખેદ છે. આ માટે તેણે જાહેરમાં માફી માંગવી જોઈએ. તેમણે કહ્યું કે પુષ્પિકા ડી સિલ્વા જ શ્રીલંકા તરફથી મિસિસ વર્લ્ડ સ્પર્ધામાં ભાગ લેશે.
મિસિસ ઈન્ડિયા વર્લ્ડની ફિનાલેમાં પણ જજ તરીકે સામેલ
કેરોનિલ જ્યૂરી દુનિયાભરની બ્યૂટી કોન્ટેસ્ટમાં ભાગ લઈ ચૂકી છે. થોડા સમય પહેલા તેણે મિસિસ ઈન્ડિયા વર્લ્ડ ફિનાલેમાં પણ જજ તરીકે ભાગ લીધો હતો. આ કાર્યક્રમ મુંબઈમાં યોજાયો હતો. અહીં તેણે વિજેતાને તાજ પણ પહેરાવ્યો હતો.
વર્ષ 2020માં બની હતી મિસિસ વર્લ્ડ
અત્રે જણાવવાનું કે કેરોનિલ જ્યૂરી વર્ષ 2019માં મિસિસ વર્લ્ડ તરીકે પસંદ થઈ હતી. હાલના સમયમાં મિસિસ વર્લ્ડનો તાજ તેના જ સર પર છે. આવામાં તે આ વર્ષે મિસિસ વર્લ્ડ સ્પર્ધામાં જજ તરીકે સામેલ થઈ હતી.