સોમવારે વહેલી સવારે રાજસ્થાનના જયપુરમાં સવાઈ માન સિંહ હોસ્પિટલના ઇન્ટેન્સિવ કેર યુનિટ વોર્ડમાં ભીષણ આગ લાગવાથી ૮ દર્દીઓના મોત થયા હોવાનું અધિકારીઓએ જણાવ્યું હતું. તેમણે જણાવ્યું હતું કે મૃતકોમાં ૩ મહિલાઓ અને ૫ પુરુષોનો સમાવેશ થાય છે.
એસએમએસ હોસ્પિટલના ટ્રોમા સેન્ટરના ઇન્ચાર્જ ડૉ. અનુરાગ ધાકડે જણાવ્યું હતું કે ટ્રોમા આઈસીયુ માં શોર્ટ સર્કિટ થયો હતો, જેના કારણે આગ ઝડપથી ફેલાઈ હતી અને ઝેરી ધુમાડો નીકળ્યો હતો. ડૉ. ધાકડે જણાવ્યું હતું કે ટ્રોમા આઈસીયુ માં ૧૧ દર્દીઓ હતા, જ્યાં આગ લાગી અને ફેલાઈ ગઈ.
ડૉ. અનુરાગ ધાકડે જણાવ્યું કે ટ્રોમા સેન્ટરમાં બીજા માળે બે આઈસીયુ છે : એક ટ્રોમા આઈસીયુ અને એક સેમી-આઈસીયુ. હોસ્પિટલમાં ઘટના સમયે ૨૪ દર્દીઓ દાખલ હતા, જેમાં ૧૧ ટ્રોમા આઈસીયુ માં અને ૧૩ સેમી-આઈસીયુ માં દાખલ હતા. ટ્રોમા આઈસીયુ માં શોર્ટ સર્કિટ થયું હતું અને આગ ઝડપથી ફેલાઈ ગઈ હતી, જેનાથી ઝેરી ગેસ લીક થયો હતો.”
હોસ્પિટલના એક અધિકારીએ જણાવ્યું હતું કે મોટાભાગના ગંભીર દર્દીઓ બેભાન થઈ ગયા હતા. અમારી ટ્રોમા સેન્ટર ટીમ, અમારા નર્સિંગ અધિકારીઓ અને વોર્ડ બોય્સે તાત્કાલિક તેમને ટ્રોલીમાં લોડ કર્યા અને આઈસીયુ આઈસીયુ માંથી બહાર કાઢ્યા. તેમને અન્ય સ્થળોએ ખસેડવામાં આવ્યા હતા. છ દર્દીઓની હાલત ગંભીર હતી. અમે સીપીઆર દ્વારા તેમને પુનર્જીવિત કરવાનો પ્રયાસ કર્યો, પરંતુ તેમને બચાવી શકાયા નહીં.
