કચ્છ જિલ્લામાં રાત્રિના શાંત વાતાવરણને ભંગ કરતા ભૂકંપનો આંચકો અનુભવાયો હતો. ખાવડા વિસ્તાર સહિત આસપાસના વિસ્તારોમાં મધરાતે લોકો થોડા ક્ષણો માટે ગભરાઈ ગયા હતા. માહિતી અનુસાર, રાત્રે ૧૨.૪૯ વાગ્યે ૩.૩ ની તીવ્રતાનો ભૂકંપ નોંધાયો હતો.
વિગતો મુજબ ભૂકંપનું કેન્દ્રબિંદુ ખાવડાથી આશરે ૪૪ કિલોમીટર દૂર નોર્થ–નોર્થ વેસ્ટ (NNW) દિશામાં સ્થિત હતું. આ આંચકો નાનો હતો, પરંતુ નજીકના ગામોમાં હળવો કંપન અનુભવાયો હોવાનું સ્થાનિક લોકોએ જણાવ્યું છે.
કચ્છ વિસ્તાર સિસ્મિક ઝોન–વી માં આવેલો હોવાથી અહીં નાના–મોટા ભૂકંપ આવતાં રહે છે. નિષ્ણાતોના મતે આ પ્રકારના હળવા આંચકા પૃથ્વીની ટેક્ટોનિક ચાલનો સ્વાભાવિક ભાગ છે અને સામાન્ય રીતે ગંભીર નુકસાન કરતા નથી.
