૪ કલાકમાં ૨૨૫ તાલુકામાં વરસાદ 

અત્યારે સૌથી વધારે વરસાદ દક્ષિણ ગુજરાત અને સૌરાષ્ટ્રના વિસ્તારોમાં પડી રહ્યો છે. 

રાજ્યના બીજા વિસ્તારોમાં પણ હળવાથી ભારે વરસાદ નોંધાઈ રહ્યો છે.

ગુજરાતમાં ધીમે ધીમે વરસાદ જામતો જાય છે. અને વરસાદ પડવાનો વિસ્તાર પણ વધી રહ્યો છે. અત્યારે સૌથી વધારે વરસાદ દક્ષિણ ગુજરાત અને સૌરાષ્ટ્રના વિસ્તારોમાં પડી રહ્યો છે. 

રાજ્યના બીજા વિસ્તારોમાં પણ હળવાથી ભારે વરસાદ નોંધાઈ રહ્યો છે. ગુજરાતમાં છેલ્લા ૨૪ કલાકમાં પડેલા વરસાદની વાત કરીએ તો ૨૨૫ તાલુકામાં વરસાદ નોંધાયો છે. જેમાં સૌથી વરસાદ વાપીમાં ૮.૫૮ ઈંચ પડ્યો હતો.

ગુજરાતમાં છેલ્લા ૨૪ કલાકમાં ૨૨૫ તાલુકામાં સાર્વત્રિક વરસાદ

ગુજરાત સ્ટેટ ઈમર્જન્સી ઓપરેશન સેન્ટર ગાંધીનગર દ્વારા આપેલા વરસાદના આંકડા પ્રમાણે ૬ જુલાઈ ૨૦૨૬, સવારે ૦૬:૦૦ વાગ્યાથી ૭ જુલાઈ ૨૦૨૬, સવારે ૦૬:૦૦ વાગ્યાના ૨૪ કલાકના સમયગાળામાં રાજ્યના ૨૨૫ તાલુકામાં વરસાદ નોંધાયો હતો. જેમાં સૌથી વધારે વરસાદ વલસાડના વાપીમાં ૮.૫૮ ઈંચ નોંધાયો હતો. 

રાજ્યના ૧૬ તાલુકામાં ૪ થી ૯ ઈંચ વચ્ચે વરસાદ નોંધાયો

વરસાદના આંકડા પ્રમાણે ૬ જુલાઈ ૨૦૨૬, સવારે ૦૬:૦૦ વાગ્યાથી ૭ જુલાઈ ૨૦૨૬, સવારે ૦૬:૦૦ વાગ્યાના ૨૪ કલાકના સમયગાળામાં રાજ્યના ૨૨૫ તાલુકામાં વરસાદ નોંધાયો હતો. જે પૈકી ૧૬ તાલુકામાં ૪ થી ૯ ઈંચ વચ્ચે વરસાદ નોંધાયો હતો. જેની માહિતી નીચેના કોષ્ટકમાં આપેલી છે. 

દેશભરના ૨૧ રાજ્યોમાં ભારે વરસાદ અને વાવાઝોડાની ચેતવણી

હવામાન વિભાગ અનુસાર દેશભરના ૨૧ રાજ્યોમાં ભારે વરસાદ અને વાવાઝોડાની ચેતવણી જારી કરવામાં આવી છે: ઉત્તર પ્રદેશ, દિલ્હી, બિહાર, ઝારખંડ, રાજસ્થાન, હરિયાણા, પંજાબ, ઉત્તરાખંડ, હિમાચલ પ્રદેશ, જમ્મુ અને કાશ્મીર, લદ્દાખ, મધ્ય પ્રદેશ, છત્તીસગઢ, પશ્ચિમ બંગાળ, ઓડિશા, અરુણાચલ પ્રદેશ, આસામ, મેઘાલય, નાગાલેન્ડ, મણિપુર અને મિઝોરમ. કેટલાક રાજ્યો માટે લાલ વરસાદની ચેતવણી પણ જારી કરવામાં આવી છે