તમામ શહીદોના લોહીનો બદલો લઈશું

ઈરાનના સુપ્રીમ લીડર અયાતુલ્લા મોજતબા ખામેનેઈએ શનિવારે પોતાના પિતા અને ફેબ્રુઆરીમાં ઈઝરાયલ-અમેરિકી હમલામાં માર્યા ગયેલા તત્કાલીન સુપ્રીમ લીડર અયાતુલ્લા અલી ખામેનેઈના મોતનો બદલો લેવાની કસમ ખાધી. મોજતબાએ કહ્યું કે-તેમના માર્યા ગયેલા અગાઉના નેતા અને પિતાનો બદલો લેવો એ દેશની માંગ છે અને તે જરૂર થવો જોઈએ. તેમણે આ વાત તેમના ટેલિગ્રામ એકાઉન્ટ પર જાહેર કરાયેલા એક લેખિત મેસેજમાં કહી. ખામેનેઈએ આ મેસેજ પોતાના પિતા અયાતુલ્લા અલી ખામેનેઈના અંતિમ સંસ્કારના અવસરે આપ્યો.

ખામેનેઈએ મેસેજમાં કહ્યું-

અમે શહીદ નેતા અને આ બંને યુદ્ધોના તમામ શહીદોના લોહીનો બદલો ગુનેગાર અને બદનામ હત્યારાઓ પાસેથી લેવાનું વચન આપીએ છીએ.

ખામેનેઈના અંતિમ સંસ્કારમાં અમેરિકન રાષ્ટ્ર પ્રમુખની હત્યાની ખુલ્લી માંગ બાદ પ્રેસિડેન્ટ ડોનાલ્ડ ટ્રમ્પે ઈરાનને ધમકી આપી. ટ્રમ્પે પોતાના ટ્રુથ સોશિયલ પર આ વાત ત્યારે કહી જ્યારે સીનિયર અમેરિકન અધિકારીઓએ માંગ કરી કે ઈરાન એક પબ્લિક સ્ટેટમેન્ટ આપે કે હોર્મુઝ સ્ટ્રેટ ખુલ્લું છે અને આ જરૂરી કોરિડોરને પાર કરવા વાળા જહાજો પર હુમલો કરવામાં નહીં આવે. જો કે, અત્યાર સુધી તેહરાને એવું કર્યું નથી, પરંતુ એ વાત પર જોર આપ્યું છે કે આ રસ્તો તેના કંટ્રોલમાં રહે.

અમેરિકા કેટલાક દિવસોથી ઈરાનને નિશાન બનાવીને ફરીથી હવાઈ હુમલા કરી રહ્યું છે જેના જવાબમાં ઈરાને પશ્ચિમ એશિયાના કેટલાક દેશો પર હુમલા કર્યા છે. આ હુમલા આ સપ્તાહની શરૂઆતમાં હોર્મુઝમાં ત્રણ યુદ્ધ જહાજો પર ઈરાનના હુમલા બાદ શરૂ થયા હતા. ટ્રમ્પે પોતાની વેબસાઇટ ‘ટ્રુથ સોશિયલ’ પર લખ્યું, ‘એક હજાર મિસાઇલો તૈયાર છે અને તેમનું નિશાન ઈરાન છે. જો ઈરાન સરકાર પોતાની ધમકી પર અમલ કરે છે તો તેની તરત જ બાદ હજારો વધુ મિસાઇલો દાગવામાં આવશે.’

ટ્રમ્પે કહ્યું કે અમેરિકન સેના ઈરાનના તમામ ક્ષેત્રોને સંપૂર્ણ રીતે તબાહ અને નષ્ટ કરી દેશે- અલ્લાહનો ધન્યવાદ છે! ટ્રમ્પે યુદ્ધ અને ત્યારબાદ કાયમ અસ્થિર યુદ્ધવિરામ દરમિયાન કેટલીય વાર અરબીમાં ઈશ્વરનું નામ લીધું છે. તેમણે ઈરાનની સભ્યતાને નષ્ટ કરવાની ધમકી પણ આપી છે. દેશવ્યાપી અધિકાર સંગઠન ‘કાઉન્સિલ ઓન અમેરિકન-ઇસ્લામિક રિલેશન્સ’ એ પહેલાં ટ્રમ્પ પર ઇસ્લામની વિકૃત રીતે મજાક ઉડાવવાનો આરોપ લગાવતા તેમની આલોચના કરી હતી.

ઈરાનના પૂર્વ સુપ્રીમ લીડર અયાતુલ્લા સૈયદ અલી ખામેનેઈ અને તેમના પરિવારના અન્ય સભ્યોને ગુરુવારે મોડી રાત્રે મશહદ શહેરના ‘ઈમામ રઝા દરગાહ’માં સુપુર્દ-એ-ખાક કરવામાં આવ્યા. ઈરાનની સમાચાર એજન્સી ઈરના અનુસાર મોડી રાત્રે ખામેનેઈના મોટા દીકરા હુજ્જતુલઇસ્લામ સૈયદ મુસ્તફા હુસૈની ખામેનેઈની આગેવાનીમાં લાખો લોકોએ જનાજાની નમાજ અદા કરી. આ સાથે જ ઈરાન અને પાડોશી દેશ ઈરાકના પાંચ શહેરોમાં છ દિવસથી ચાલી રહેલી શોક યાત્રા સંપન્ન થઈ ગઈ. મંગળવારે ઈરાનના મધ્ય શહેર કોમમાં અંતિમ સંસ્કાર સમારોહ આયોજિત કરવામાં આવ્યો હતો, જેના પછીના દિવસે ઈરાકના શહેરો નજફ અને કરબલામાં શોક સમારોહ થયા.