રાહુલ ગાંધીએ પ્રથમ વખત એક્ટિવિસ્ટની ભૂખ હડતાળને લઇને મોદી સરકાર પર કર્યો પ્રહાર

લોકસભામાં વિપક્ષના નેતા રાહુલ ગાંધીએ પ્રથમ વખત એક્ટિવિસ્ટ સોનમ વાંગચુકની ભૂખ હડતાળને લઈને મોદી સરકાર પર પ્રહાર કર્યા છે. શનિવારે સવારે દિલ્હી પોલીસે જંતર-મંતર પર ચાલી રહેલા સીજેપીના પ્રદર્શન સ્થળેથી સોનમ વાંગચુકને બળજબરીથી હટાવી દેવામાં આવ્યા હતા. પોલીસ તેમને વીએમએમસી લઈ ગઈ હતી અને તેમને દાખલ કર્યા હતા.

સોનમ વાંગચુકની ભૂખ હડતાળ પર રાહુલ ગાંધીએ પહેલીવાર પ્રતિક્રિયા આપી છે. તેમણે જંતર-મંતર ખાતે ચાલી રહેલા પ્રદર્શનમાંથી એક્ટિવિસ્ટને હટાવવાના નિર્ણયને ખોટો ગણાવ્યો હતો અને શાંતિપૂર્ણ પ્રદર્શન સામે બળ પ્રયોગ કરવાનો આરોપ લગાવ્યો હતો.

સરકારના મૂખ્ય સિદ્ધાંત અસત્ય અને હિંસા છે : રાહુલ ગાંધી

રાહુલ ગાંધીની આ ટિપ્પણી સોનમ વાંગચુકે વિરોધ સ્થળેથી હટાવવા અને તેમને વીએમએમસી સફદરજંગ હોસ્પિટલમાં રિફર કરવાના થોડાક કલાકો પછી આવી હતી.

રાહુલ ગાંધીએ સોશિયલ મીડિયા એક્સ પર કહ્યું કે મોદી સરકારના મૂળ સિદ્ધાંત અસત્ય અને હિંસા છે. સોનમ વાંગચુક જી ને જંતર-મંતર પરથી હટાવવા એ ખોટું છે. જ્યારે તે અહિંસક ભૂખ હડતાળ પર હતા. પેપર લીક, શિક્ષણનો વધતો જતો ખર્ચ અને વિદ્યાર્થીઓની આત્મહત્યા એ ભારતના ભવિષ્ય માટે ગંભીર મુદ્દાઓ છે. કોઇપણ તાકાત ભારતના વિદ્યાર્થીઓ, જે લોકો તેમને પ્રેમ કરે છે અને તેમાં વિશ્વાસ રાખે છે. આ મુદ્દાઓને ઉઠાવવાથી કોઈ શક્તિ રોકી શકશે નહીં.