સ્મૃતિ ઈરાનીની એન્ટ્રી, ગુજરાતમાંથી પણ મહિલા નેતાને મોટી જવાબદારી
ભાજપના અધ્યક્ષ નીતિન નવીને નવી ટીમની જાહેરાત કરી દીધી છે. સ્મૃતિ ઈરાનીને મહા સચિવ અને વસુંધરા રાજેને ઉપાધ્યક્ષ બનાવવામાં આવ્યા છે. ઉપાધ્યક્ષ, મહા સચિવ, સચિવ અને પ્રવક્તાઓ (સ્પોક્સપર્સન)ની યાદીમાં યુવાનો અને મહિલાઓની સાથે જાતિ સમીકરણોનું ખાસ ધ્યાન રાખવામાં આવ્યું છે. ભાજપે નવી ટીમમાં ઉત્તર પ્રદેશના અનેક નેતાઓને સામેલ કર્યા છે. અહીં આગામી વર્ષની શરૂઆતમાં વિધાનસભા ચૂંટણી યોજાવાની છે. નવી સંગઠન ટીમમાં ભાજપે ૧૩ ઉપાધ્યક્ષ, ૮ રાષ્ટ્રીય મહામંત્રી અને ૧૬ રાષ્ટ્રીય મંત્રી/સચિવ બનાવ્યા છે.
૭ મહિના પછી નિતિન નબીનની નવી ટીમની જાહેરાત થઈ ગઈ છે. વસુંધરા રાજેને ઉપાધ્યક્ષ નિયુક્ત કરવામાં આવ્યા છે. નિતિન નબીનની નવી ટીમમાં ૮ મહાસચિવ બનાવવામાં આવ્યા છે. અનિલ બલૂની પહેલાની જેમ જ મીડિયા ઇંચાર્જ પદ પર યથાવત રહેશે. આવી જ રીતે બી.એલ. સંતોષ પાસે પણ સંગઠન મહાસચિવનું પદ પહેલાની જેમ યથાવત રહેશે. જ્યારે આઈટી સેલ હેડ અમિત માલવિયા હટાવી દેવામાં આવ્યા છે. તેઓ લાંબા સમયથી ભાજપ સંગઠનમાં આઈટી સેલના હેડ હતા. માલવિયાની જગ્યાએ દીપક સહસ્કેને સોશિયલ મીડિયાના પ્રભારી નિયુક્ત કરવામાં આવ્યા છે.
નિતિન નબીનની નવી ટીમમાં કેન્દ્રીય મંત્રી પીયૂષ ગોયલને પણ સ્થાન મળ્યું છે. તેમને રાજેશ અગ્રવાલની જગ્યાએ કોષાધ્યક્ષ નિયુક્ત કરવામાં આવ્યા છે. રાજેશ મંગલને સહ-કોષાધ્યક્ષ બનાવવામાં આવ્યા છે. તરુણ ચુગને મુખ્યાલય પ્રભારી નિયુક્ત કરવામાં આવ્યા છે.
જે.પી. નડ્ડાની ટીમમાં મહાસચિવ પદ પર કાર્યરત અરુણ સિંહ, દુષ્યંત ગૌતમ, તરુણ ચુગ અને રાધામોહનદાસ અગ્રવાલની બાદબાકી થઈ છે, આવી જ રીતે સંગઠનમાં સચિવ પદ પર કાર્યરત અરવિંદ મેનન, પંકજા મુંડે, નરેન્દ્ર સિંહ, અલકા ગુર્જર, ઓમપ્રકાશ ધુર્વે, રિતુરાજ સિંહા, કામાખ્યા પ્રસાદ તાસા, સુરેન્દ્ર નાગર તેમજ નડ્ડાની ટીમમાં ઉપાધ્યક્ષ રહેલા સરોજ પાંડે, ડી.કે. અરૂણા, એમ. ચુબા રાવ, અબ્દુલ્લા કુંટીને પણ નવી ટીમમાં સામેલ કરવામાં આવ્યા નથી.
નિતિન નબીનની નવી રાષ્ટ્રીય ટીમમાં ગુજરાતનું વર્ચસ્વ અને સંગઠનાત્મક મહત્વ સ્પષ્ટપણે ઉભરી આવ્યું છે. પક્ષે અનુભવ અને યુવા ઉર્જાના યોગ્ય સંતુલન પર પસંદગી ઉતારીને રાજ્યના ચાર અગ્રણી ચહેરાઓને રાષ્ટ્રીય સ્તરે મોટી જવાબદારીઓ સોંપી છે. જેમાં વર્ષાબેન નરેન્દ્રભાઈ દોશીને રાષ્ટ્રીય ઉપાધ્યક્ષ જેવું ઉચ્ચ પદ આપી મહિલા નેતૃત્વને મજબૂત મંચ પૂરો પાડવામાં આવ્યો છે, જ્યારે જગદીશ ઈશ્વરભાઈ પટેલ અને રોહન ગુપ્તાને રાષ્ટ્રીય સચિવ તરીકે કેન્દ્રીય સંગઠનની કામગીરી વધારવાની તક મળી છે. આ ઉપરાંત, યુવા નેતા હેમાંગ જોશીને યુવા મોરચાના રાષ્ટ્રીય પ્રમુખ બનાવીને ભાજપે દેશભરના યુવાનોને જોડવાની મહત્વપૂર્ણ કમાન ગુજરાતના હાથમાં સોંપી છે.
ભાજપમાં સંગઠન મંત્રીની પરંપરા છે અને તેઓ સામાન્ય રીતે આરએસએસ પૃષ્ઠભૂમિના હોય છે. તેમાં કોઈ ફેરફાર કરવામાં આવ્યો નથી. અત્યાર સુધી સંગઠન મહામંત્રી રહેલા બી. એલ. સંતોષ યથાવત છે. આ ઉપરાંત બે સહ-સંગઠન મહામંત્રી જળવાઈ રહ્યા છે. તેમાં શિવપ્રકાશ અને સૌદાન સિંહ સામેલ છે. શિવપ્રકાશ ભાજપમાં આવ્યા પહેલા આરએસએસ માં હતા અને પ્રાંત તથા ક્ષેત્ર પ્રચારક જેવી મહત્વની જવાબદારીઓ સંભાળી ચૂક્યા છે. તેઓ ઉત્તર પ્રદેશના મુરાદાબાદના રહેવાસી છે.
ગુજરાત
ઉત્તર પ્રદેશ
રેખા વર્મા – રાષ્ટ્રીય ઉપાધ્યક્ષ
તારિક મંસૂર – રાષ્ટ્રીય ઉપાધ્યક્ષ
સ્મૃતિ ઈરાની – રાષ્ટ્રીય મહા સચિવ
હરીશ દ્વિવેદી – રાષ્ટ્રીય મહા સચિવ
ભોલા સિંહ – રાષ્ટ્રીય સચિવ
સંગીતા યાદવ – રાષ્ટ્રીય સચિવ
અમરપાલ મૌર્ય – OBC મોરચા પ્રમુખ
કુંવર બાસિત અલી – લઘુમતી (માઈનોરિટી) મોરચા પ્રમુખ
દિલ્હી
રામ માધવ – રાષ્ટ્રીય ઉપાધ્યક્ષ
બી.એલ. સંતોષ – રાષ્ટ્રીય સંગઠન મહા સચિવ
સુનીલ બંસલ – રાષ્ટ્રીય મહા સચિવ
સંદીપ પાઠક – રાષ્ટ્રીય સચિવ
સ્વદેશ સિંહ – રાષ્ટ્રીય સચિવ
જય પ્રકાશ – રાષ્ટ્રીય સચિવ
રાજીવ બબ્બર – નોર્થ-ઈસ્ટ સહ-સંયોજક
પ્રદીપ ભંડારી – મીડિયા સહ-સંયોજક
સિદ્ધાર્થ યાદવ – મીડિયા સહ-સંયોજક
શિવાનંદ દ્વિવેદી – સોશિયલ મીડિયા સહ-સંયોજક
મહારાષ્ટ્ર
ભારતી પ્રવીણ પવાર – રાષ્ટ્રીય ઉપાધ્યક્ષ
વિનોદ તાવડે – રાષ્ટ્રીય મહા સચિવ
શિવપ્રકાશ – રાષ્ટ્રીય સહ-સંગઠન મહા સચિવ (મુંબઈ)
પીયૂષ ગોયલ – રાષ્ટ્રીય ખજાનચી
પ્રીતિ ગાંધી – સોશિયલ મીડિયા સહ-સંયોજક
રાજસ્થાન
વસુંધરા રાજે સિંધિયા – રાષ્ટ્રીય ઉપાધ્યક્ષ
સતીશ પૂનિયા – રાષ્ટ્રીય મહા સચિવ
રાજેશ મંગલ – રાષ્ટ્રીય સહ-ખજાનચી
મન્નાલાલ રાવત – ST મોરચા પ્રમુખ
મધ્ય પ્રદેશ
લાલસિંહ આર્ય – રાષ્ટ્રીય ઉપાધ્યક્ષ
ગજેન્દ્ર પટેલ – રાષ્ટ્રીય મહા સચિવ
કવિતા પાટીદાર – રાષ્ટ્રીય સચિવ
વિષ્ણુ દત્ત શર્મા – ઓલ સેલ્સ કોઓર્ડિનેટર
બંસીલાલ ગુર્જર – કિસાન મોરચા પ્રમુખ
આશિષ ઉષા અગ્રવાલ – મીડિયા સહ-સંયોજક
ઉત્તરાખંડ
તીરથ સિંહ રાવત – રાષ્ટ્રીય ઉપાધ્યક્ષ
મહેન્દ્ર પાંડે – કેન્દ્રીય કાર્યાલય સચિવ
અનિલ બલૂની – મીડિયા સંયોજક
આલોક ભટ્ટ – સોશિયલ મીડિયા સહ-સંયોજક
બિહાર
સિદ્ધાર્થ શંભુ – રાષ્ટ્રીય સચિવ
ઋતુરાજ સિન્હા – ઓલ સેલ્સ સહ-કોઓર્ડિનેટર
શિવેશ કુમાર રામ – SC મોરચા પ્રમુખ
ઓડિશા
બૈજયંત જય પાંડા – રાષ્ટ્રીય ઉપાધ્યક્ષ
સંબિત પાત્રા – નોર્થ-ઈસ્ટ સંયોજક
આંધ્ર પ્રદેશ
ડી. પુરંદેશ્વરી – રાષ્ટ્રીય ઉપાધ્યક્ષ
વિષ્ણુ વર્ધન રેડ્ડી – ઓલ સેલ્સ સહ-કોઓર્ડિનેટર
પંજાબ
મનપ્રીત સિંહ બાદલ – રાષ્ટ્રીય ઉપાધ્યક્ષ
તરુણ ચુગ – કેન્દ્રીય કાર્યાલય પ્રભારી
કેરળ
કે. સુરેન્દ્રન – રાષ્ટ્રીય સચિવ
અનિલ એન્ટોની – રાષ્ટ્રીય સચિવ
છત્તીસગઢ
રૂપ કુમારી ચૌધરી – મહિલા મોરચા પ્રમુખ
દીપક મ્હાસ્કે – સોશિયલ મીડિયા સંયોજક
હરિયાણા
સંજય ભાટિયા – રાષ્ટ્રીય મહા સચિવ
અરુણ યાદવ – સોશિયલ મીડિયા સહ-સંયોજક
પશ્ચિમ બંગાળ
મધુચંદ્રા કર – રાષ્ટ્રીય ઉપાધ્યક્ષ
મનોજ તિગ્ગા – રાષ્ટ્રીય સચિવ
કર્ણાટક
એમ. નાગરાજ – રાષ્ટ્રીય ઉપાધ્યક્ષ
ત્રિપુરા
બિપ્લબ કુમાર દેવ – રાષ્ટ્રીય મહા સચિવ
ચંદીગઢ
સૌદાન સિંહ – રાષ્ટ્રીય સહ-સંગઠન મહા સચિવ
ઝારખંડ
પ્રદીપ વર્મા – રાષ્ટ્રીય સચિવ
નાગાલેન્ડ
ફાંગનોન કોન્યાક – રાષ્ટ્રીય સચિવ
તમિલનાડુ
એમ. વેંકટેશન – રાષ્ટ્રીય સચિવ
અસમ
મૃગાંક દેવ બર્મન – રાષ્ટ્રીય સચિવ
કલ્પેશ એન લીંબાસિયા
વિશ્વ સમાચાર રિપોર્ટર
