ઝારખંડમાં સરકારી ભરતી પરીક્ષાઓને લઈને ચાલી રહેલા વિવાદ વચ્ચે હેમંત સોરેન સરકારે મોટો નિર્ણય લીધો છે. ટીડીપીએલ દ્વારા લેવામાં આવેલી પરીક્ષાઓ, જાહેર કરાયેલા પરિણામો અને પસંદગીના ઉમેદવારોને લગતી સંપૂર્ણ પ્રક્રિયા રદ કરવાનો નિર્ણય લેવામાં આવ્યો છે
ઝારખંડમાં સરકારી ભરતી પરીક્ષાઓને લઈને ચાલી રહેલા વિવાદ વચ્ચે હેમંત સોરેન સરકારે મોટો નિર્ણય લીધો છે. રાજ્ય કેબિનેટની વિશેષ બેઠકમાં આઉટસોર્સ એજન્સી ટીએસઆર ડેટા પ્રોસેસિંગ પ્રાઇવેટ લિમિટેડ (ટીડીપીએલ) દ્વારા લેવામાં આવેલી પરીક્ષાઓ, જાહેર કરાયેલા પરિણામો અને પસંદગીના ઉમેદવારોને લગતી સંપૂર્ણ પ્રક્રિયા રદ કરવાનો નિર્ણય લેવામાં આવ્યો છે. જેમાં જેએસએસસી-સીજીએલ ની પરીક્ષા પણ સામેલ છે.
મુખ્યમંત્રી હેમંત સોરેને કહ્યું કે ટીડીપીએલ દ્વારા લેવામાં આવતી પરીક્ષાઓ, પ્રકાશિત પરિણામો, પસંદ કરેલા ઉમેદવારો અને તેના દ્વારા હાથ ધરવામાં આવેલી અન્ય પ્રવૃત્તિઓ રદ કરવામાં આવી છે. સરકારના આ નિર્ણય બાદ ભરતી પરીક્ષાઓ માટે આંદોલન કરી રહેલા ઉમેદવારોએ રાહતનો શ્વાસ લીધો છે.
જેએસએસસી-સીજીએલ પણ રદ કરી
હેમંત સોરેને કેબિનેટના અન્ય એક નિર્ણયની માહિતી આપતા કહ્યું કે આજે કેબિનેટે જેએસએસસી-સીજીએલ ને પણ રદ કરવાનો નિર્ણય લીધો. ઉમેદવારો લાંબા સમયથી જેએસએસસી-સીજીએલ પરીક્ષાથી નાખુશ હતા. પરીક્ષા અને ભરતી પ્રક્રિયા અંગે ઉઠતા પ્રશ્નો વચ્ચે, સરકારના આ નિર્ણયથી વિરોધ કરી રહેલા વિદ્યાર્થીઓમાં ખુશી ફેલાઈ ગઈ છે. જેએસએસસી-સીજીએલ ઉમેદવારો આ નિર્ણય બાદ ભાવુક થઈ ગયા અને તેને તેમની માંગણીઓ માટે મોટી જીત ગણાવી હતી.
૨૦૧૪ થી અત્યાર સુધીની તમામ ગેરરીતિઓની તપાસ
મુખ્યમંત્રીએ એ પણ સ્પષ્ટતા કરી કે તપાસનો ગાળો તાજેતરની પરીક્ષાઓ સુધી મર્યાદિત રહેશે નહીં. તેમણે કહ્યું કે ૨૦૧૪ થી થયેલી બધી નાની અને મોટી ભૂલોની અને અનિયમિતતાઓની તપાસ કરવામાં આવશે. હેમંત સોરેને કહ્યું કે ૨૦૧૪ થી થયેલી બધી નાની અને મોટી ભૂલો, જે કોઈ પણ વ્યક્તિએ કરી હોય બધાની તપાસ કરવામાં આવશે.
કલ્પેશ એન લીંબાસિયા
વિશ્વ સમાચાર રિપોર્ટર
