બાળકોને મોબાઇલથી દૂર રાખવા છે?

લુડો

લુડો એક એવી રમત છે જે બાળકો અને પુખ્ત વયના લોકો બંને સરળતાથી રમી શકે છે. બાળકોને તેમના વારાની રાહ જોવાનું, નિયમોનું પાલન કરવાનું અને હાર-જીતનો સ્વીકાર કરવો રમત-રમતમાં શીખવી શકાય છે. સૌથી સારી વાત એ છે કે તેના માટે કોઈ ખાસ તૈયારીની જરૂર નથી.

ચેસ

ચેસ એ બાળકો સાથે રમવા માટે એક સરસ રમત છે. દરેક ચાલ વિચારીને ચાલવાની જરુર હોય છે, જેથી બાળકો એકાગ્રતાથી રમવાનું શીખી શકે. નાના બાળકો માટે શરૂઆતમાં નિયમો મુશ્કેલ લાગી શકે છે, પરંતુ એકવાર તેઓ પોતાની ચાલ ચાલવા લાગશે તો તેઓ તેનો વધુ આનંદ માણવા લાગશે.

કેરમ

જો બાળકો થોડા મોટા હોય તો તેમની સાથે રમવા માટે કેરમ એક સારી રમત હોઈ શકે છે. આમાં બાળકોએ નિશાન લગાવવું અને પોતાની ચાલ વિચારીને ચાલવું પડે છે. જો કોઈ બાળક હાર્યા પછી ઉદાસ થાય છે તો તેને સમજાવવાની આ એક સારી તક છે કે રમતની મજા જીત કરતાં વધુ મહત્વપૂર્ણ છે.

એબેકસ

એબેકસને ફક્ત અભ્યાસ સાથે સાંકળશો નહીં. તેને બાળકો સાથે એક ગેમ તરીકે ટ્રાય કરો. તમે બાળકોને કેટલાક મોતી ગણવાનું કહી શકો છો અને પછી તેમને સરળ ગણતરી કોયડાઓ પૂછી શકો છો. તેને રમત તરીકે રાખવાથી બાળકો કોઇ દબાણ વિના નંબર્સ શીખી શકશે.

સ્ક્રેબ

બાળકોને નવા શબ્દો શીખવામાં રસ લેવા માટે તમે આ શબ્દો વાળી રમત રમી શકો છો. તેમાં અલગ-અલગ અક્ષરોને જોડીને શબ્જો બનાવવાના હોય છે. માતાપિતા તેમના બાળકો સાથે રમતી વખતે નવા શબ્દોનો અર્થ પણ સમજાવી શકે છે. આ રમત શીખવાની તક પણ પૂરી પાડે છે.

કલ્પેશ એન લીંબાસિયા

વિશ્વ સમાચાર રિપોર્ટર