સોનિયા ગાંધીની આત્મકથા ‘બિલોંગિંગ: અ જર્ની ઓફ લવ’ હવે હાર્પર કોલિન્સ ઈન્ડિયા પ્રકાશિત કરશે. અગાઉ પેગ્વિન રેન્ડમ હાઉસ ઈન્ડિયાએ પુસ્તક પ્રકાશિત કરવા ઇન્કાર કર્યો હતો.
પેંગ્વિન રેન્ડમ હાઉસ ઈન્ડિયાના પ્રકાશક પદેથી રાજીનામું આપવાના નિર્ણય બાદ કોંગ્રેસ નેતા સોનિયા ગાંધીના સંસ્મરણો પુસ્તક ‘બિલોંગિંગ: અ જર્ની ઓફ લવ’નું વિમોચન કરશે. આ પુસ્તક ૧૦ નવેમ્બરના રોજ વિશ્વભરમાં બહાર પાડવામાં આવશે.
કોંગ્રેસ નેતા સોનિયા ગાંધીની આત્મકથા ‘બિલોંગિંગ: અ જર્ની ઓફ લવ’ હાર્પર કોલિન્સ ઇન્ડિયા દ્વારા પ્રકાશિત કરવામાં આવશે. ઈન્ડિયન એક્સપ્રેસના એક અહેવાલ મુજબ પેંગ્વિન રેન્ડમ હાઉસ ઈન્ડિયા અને સોનિયા ગાંધી પોતાનું પુસ્તક પ્રકાશિત કરવા માટે કોઈ સમજૂતી કરી શક્યા નથી. એક અઠવાડિયા પછી, હાર્પરકોલિન્સ ઇન્ડિયાએ જાહેરાત કરી હતી કે, તે સોનિયા ગાંધીનું પુસ્તક પ્રકાશિત કરશે.
પ્રકાશકે સોશિયલ મીડિયા પ્લેટફોર્મ એક્સ પર એક પોસ્ટમાં ખુલાસો કર્યો કે, આ પુસ્તક ૧૦ નવેમ્બર, ૨૦૨૬ ના રોજ ભારતમાં પ્રકાશિત થશે. પોસ્ટમાં કહેવામાં આવ્યું છે કે, ‘આપણા સમયની સૌથી રાહ જોવાતી રાજકીય સંસ્મરણોમાંની એક, ‘બિલોંગિંગ’ પ્રેમ, ઓળખ, ફરજ અને સંબંધની એક નાટકીય અને અત્યંત વ્યક્તિગત વાર્તા છે અને ભારતની યાત્રા પર એક દુર્લભ આંતરિક દૃષ્ટિકોણ રજૂ કરે છે.”
પેંગ્વિન ઇન્ડિયા એ પુસ્તકમાં અમુક ફેરફાર કરવા જણાવ્યું હતું
પેંગ્વિન રેન્ડમ હાઉસ ઇન્ડિયાએ સોનિયા ગાંધીના પુસ્તકમાં કેટલાક સંપાદકીય ફેરફારો કરવા જણાવ્યું હતું. જો કે લેખકે ફેરફા કરવા ઇનકાર કર્યો હતો. પેંગ્વિન ઈન્ડિયાના ઇન્કાર બાદ ઘણા ભારતીય પ્રકાશકો પુસ્તક છાપવા માટે રેસમાં હતા અને એવા અહેવાલો આવ્યા હતા કે હાર્પર કોલિન્સ ભારતમાં પુસ્તકના પ્રકાશનને અંતિમ સ્વરૂપ આપવાની નજીક છે.
આગામી ૧૦ નવેમ્બરે પ્રકાશિત થનારા સોનિયા ગાંધીના પુસ્તક ‘બિલોંગિંગ: અ જર્ની ઓફ લવ’ ની ઘોષણા અમેરિકા સ્થિત આલ્ફ્રેડ એ. નોફે કરી હતી. તે પેંગ્વિન રેન્ડમ હાઉસની એક શાખા છે. નોફે જણાવ્યું હતું કે, પ્રથમ એડિશનમાં ૧,૦૦,૦૦૦ નકલ છાપવાની હતી.
સોનિયા ગાંધીએ ભૂતકાળમાં ઘણા પુસ્તકો લખ્યા અને સંપાદિત કર્યા છે, પરંતુ આ પુસ્તક પર કામ કરનારા લોકોના મતે, આ તેમના જીવનની સૌથી વ્યક્તિગત અને મહત્વપૂર્ણ વિગતો છે. નોફ તેને વિશ્વની સૌથી અગ્રણી મહિલા નેતાઓમાંની એકની રસપ્રદ આત્મકથા તરીકે વર્ણવે છે.
નોફે ઘોષણમાં સોનિયા ગાંધીને ટાંકીને કહ્યું હતું કે, મારા પરિવાર વિશે ઘણું લખવામાં આવ્યું છે, પરંતુ બહુ ઓછા અહેવાલો તેમની પ્રેરણાઓ, તેમના કાર્યો અને તેમની માનવીય ખામીઓના સત્ય સુધી પહોંચ્યા છે. મારી વાર્તા વાચકોને સામાજિક અને રાજકીય ફેરફારોનો એક અનન્ય દ્રષ્ટિકોણ પણ પ્રદાન કરે છે જે મેં છ દાયકામાં જોયો છે. ”
કોંગ્રેસે દબાણ કરવાનો આરોપ લગાવ્યો હતો
કોંગ્રેસના વરિષ્ઠ નેતાઓએ આરોપ લગાવ્યો હતો કે વડા પ્રધાન નરેન્દ્ર મોદી, આરએસએસ અને મોદી સરકાર દરમિયાન સોનિયા ગાંધીના સંસ્મરણમાંથી ચીનના ભારતીય ક્ષેત્રો પર કબજો જમાવવાના કેટલાક ભાગોને હટાવવા માટે પેંગ્વિન ઈન્ડિયા પર દબાણ કરવામાં આવ્યું હતું.
રાજસ્થાનના પૂર્વ મુખ્યમંત્રી અશોક ગેહલોતે ઈન્ડિયન એક્સપ્રેસને કહ્યું હતું કે, આવું સરકારના હસ્તક્ષેપને કારણે થયું છે. તેઓ વ્યક્તિની અભિવ્યક્તિની સ્વતંત્રતા છીનવી લેવા માંગે છે.
સોનિયા ગાંધી એટલા મોટા નેતા છે, તેઓ વિપક્ષના નેતા અને રાષ્ટ્રીય સલાહકાર પરિષદના અધ્યક્ષ રહી ચૂક્યા છે. તે હકીકતો લખી રહી છે. તે કોઈ વાર્તા લખતી નથી. તે તેમના જીવન અને અનુભવો વિશે છે. તમે તથ્યોને કેવી રીતે નકારી શકો છો અને તથ્યો પર રોક લગાવી શકો છો.
કલ્પેશ એન લીંબાસિયા
વિશ્વ સમાચાર રિપોર્ટર
