એક્ટ્રેસ કંગના રનૌત હવે પ્રોડ્યુસર પણ બની ગઈ છે. કંગનાએ શનિવારે સોશિયલ મીડિયા પર એક પોસ્ટ શેર કરીને પોતાના પ્રોડક્શન હાઉસ ‘મણિકર્ણિકા ફિલ્મ’ ની જાહેરાત કરી છે. તે ઉપરાંત તેણે પોતાના આ પ્રોડક્શન હાઉસનો લોગો પણ શેર કર્યો છે. તે સિવાય તેણે એ પણ અનાઉસમેન્ટ કર્યું છે કે તે ડિજિટલ સ્પેસમાં ‘ટીકૂ વેડ્સ શેરૂ’થી પ્રોડ્યુસર તરીકે પોતાનું ડેબ્યૂ કરવા જઇ રહી છે.
કંગના રનૌતે પોસ્ટ શેર કરીને લખ્યું, ‘મણિકર્ણિકા ફિલ્મ’નો લોગો લોન્ચ કરી દીધો છે. તે ઉપરાંત એ જાહેરાત પણ કરી છે કે, લવ સ્ટોરી ‘ટીકૂ વેડ્સ શેરૂ’થી અમે ડિજિટલ સ્પેસમાં પોતાનું ડેબ્યૂ કરવા જઈ રહ્યા છીએ. તમારા બધાનો આશીવાર્દ જોઈએ.