રાજ કુન્દ્રા પોર્નોગ્રાફી કેસમાં હાલ શિલ્પા શેટ્ટીનો પતિ રાજ જેલમાં છે. રાજની ધરપકડ થયા પછીથી શિલ્પા ભાંગી પડી છે તે અનેક ટ્રોલર્સ અને ખરાબ પરિસ્થીતી નો સામનો કરી રહી છે. ફિલ્મમેકર હંસલ મહેતાએ સોશિયલ મીડિયા પર શિલ્પાનો પક્ષ લઈને તેનો સાથ નિભાવ્યો છે. હંસલ મહેતાએ લખ્યું હતું કે , સારા દિવસોમાં તો બધા પાર્ટીઓ કરવા આવશે પણ ખરાબ સમયમાં બધા ચુપ રહેશે. જો તમે તેનો પક્ષ ના લઇ શકતા હોવ તો શિલ્પાને એકલી મૂકો અને કાયદાને તેનું કામ કરવા દો.
ફિલ્મ મેકર હંસલ મહેતાએ શિલ્પા માટે ત્રણ પોસ્ટ કરી હતી. એક પોસ્ટમાં તેમણે લખ્યું, જો તમે તેની સાથે આ ખરાબ સમયે ઊભા ના રહી શકતા હોવ તો તેને એકલી મૂકો અને કાયદાને નક્કી કરવા દો આગળ શું થશે? તેને પ્રાઈવેસી આપો. આ દુર્ભાગ્યપૂર્ણ છે કે પબ્લિક લાઈફ જીવતા લોકો પોતાનો બચાવ કરે અને અને તેમને ન્યાય મળે તે પહેલા જ તેમને દોષિત જાહેર કરવામાં આવે છે.
બીજી એક પોસ્ટમાં તેમણે ફિલ્મ ઇન્ડસ્ટ્રીના મૌન વિશે વાત કરી. તેમણે લખ્યું, આ મૌન એક પેટર્ન છે. સારા સમયમાં બધા સાથે મળીને પાર્ટી કરશે, પણ ખરાબ સમયમાં બધા બહેરા થઇ જશે અને મૌન ધારણ કરી લેશે. સત્ય ભલે ગમે તે હોય, લોકોના લીધે તમને ઓલરેડી ડેમેજ થઈ ગયું હોય છે.
દર્શિત છે કે, શિલ્પા શેટ્ટીએ અનેક મીડિયા હાઉસ વિરુદ્ધ માનહાનિનો કેસ કર્યો હતો. આ કેસની સુનાવણી બોમ્બે હાઇકોર્ટમાં થઈ હતી. શિલ્પાના વકીલે કોર્ટમાં કહ્યું હતું કે મીડિયામાં જે અહેવાલો આવે છે, તેનાથી તેના બાળકોને અસર થાય છે