ગુજરાતમાં ભરઉનાળે ગાજવીજ સાથે વરસાદની આગાહી

૨૪ કલાક બાદ આ વિસ્તારોમાં ગાજવીજ સાથે કમોસમી વરસાદની આગાહી

રાજ્યમાં ઉનાળા વચ્ચે વરસાદની આગાહી કરતા હવામાન વિભાગે જણાવ્યું હતું કે આગામી ૨૪ કલાક દરમિયાન તાપમાનમાં કોઈ મોટો ફેરફાર નહીં થાય ત્યારબાદ મહત્તમ તાપમાનમાં ૨-૩ ડિગ્રી જેટલો ઘટાડો નોંધાશે. આગામી ૩ મેથી લઈને ૭ મે વચ્ચે કેટલાક વિસ્તારોમાં ગાજવીજ સાથે કમોસમી વરસાદની આગાહી કરી હતી.

હવામાન વિભાગે ત્રીજી તારીખે ઉત્તર ગુજરાતના બનાસકાંઠા અને સાબરકાંઠા તેમજ કચ્છ જિલ્લામાં વરસાદની આગાહી કરવામાં આવી છે. જ્યારે ચોથી તારીખે ઉત્તર ગુજરાતના બનાસકાંઠા, મહેસાણા, સાબરકાંઠા, પાટણ, અરવલ્લી તેમજ પંચમહાલ, દાહોદ, મહિસાગર, વડોદરા, છોટા ઉદેપુર વિસ્તારમાં વરસાદની શક્યતા છે.

ચોથી અને પાંચમી મેના દિવસે મધ્ય ગુજરાત, ઉત્તર ગુજરાત અને સૌરાષ્ટ્રના કેટલાક વિસ્તારોમાં વરસાદની શક્યતા છે. જ્યારે સાત મેના રોજ દક્ષિણ ગુજરાતના ભરૂચ, સુરત, તાપી, ડાંગ, વલસાડ, નવસારી, દમણ, દાદરા નગર હવેલી તેમજ સૌરાષ્ટ્રના અમરેલી અને ભાવનગરમાં પવન સાથે વરસાદ પડવાની શક્યતાઓ સેવી છે.

સોમનાથ પ્રતિષ્ઠા દિન