બિહાર વિધાનસભા ચૂંટણી ૨૦૨૫ માટે મતગણતરી ૧૪ નવેમ્બર આજે સવારે ૦૮:૦૦ વાગ્યે શરૂ થશે. વિધાનસભાની ચૂંટણી માટે ૬ અને ૧૧ નવેમ્બરના રોજ રેકોર્ડ મતદાન થયું હતું.
બિહારમાં એનડીએની સરકાર બનશે કે મહાગઠબંધન તે શુક્રવારે ૧૪ નવેમ્બરે ખબર પડી જશે. બિહાર વિધાનસભા ચૂંટણી ૨૦૨૫ માટે મતગણતરી ૧૪ નવેમ્બરે સવારે ૦૮:૦૦ વાગ્યે શરૂ થશે. વિધાનસભાની ચૂંટણી માટે ૬ અને ૧૧ નવેમ્બરના રોજ રેકોર્ડ મતદાન થયું હતું. હવે બધાની નજર ચૂંટણીના પરિણામો પર છે.
બિહારના ચૂંટણી મેદાનમાં સ્પર્ધા એનડીએ અને મહાગઠબંધન વચ્ચે છે. એનડીએ માં ભારતીય જનતા પાર્ટી (ભાજપ), નીતિશ કુમારની જનતા દળ (યુનાઇટેડ) અથવા જેડી(યુ), ચિરાગ પાસવાનની લોક જનશક્તિ પાર્ટી (રામવિલાસ), જીતન રામ માંઝીની હિન્દુસ્તાની અવમ મોરચા (એચએએમ), અને રાષ્ટ્રીય લોક મોરચા (આરએલએમ)નો સમાવેશ થાય છે. બીજી તરફ, મહાગઠબંધનમાં રાષ્ટ્રીય જનતા દળ (આરજેડી), કોંગ્રેસ, મુકેશ સાહનીની વિકાસશીલ ઇન્સાન પાર્ટી (વીઆઇપી), કોમ્યુનિસ્ટ પાર્ટી ઓફ ઇન્ડિયા, કોમ્યુનિસ્ટ પાર્ટી ઓફ ઇન્ડિયા (માર્ક્સવાદી) અને કોમ્યુનિસ્ટ પાર્ટી ઓફ ઇન્ડિયા (માર્ક્સવાદી-લેનિનવાદી) લિબરેશનનો સમાવેશ થાય છે.
સ્પર્ધાને રસપ્રદ બનાવતા, પ્રશાંત કિશોરની જન સૂરજ પાર્ટી પણ મેદાનમાં છે. તેજ પ્રતાપ યાદવનું જનશક્તિ જનતા દળ (જેજેડી) અને અસદુદ્દીન ઓવૈસીની આગેવાની હેઠળની ઓલ ઈન્ડિયા મજલિસ-એ-ઈત્તેહાદુલ મુસલમીન (એઆઈએમઆઈએમ) પણ સખત પડકાર ઊભો કરી રહ્યાં છે.
