શેરબજારમાં બ્લેક ફ્રાઇડે

શેરબજારમાં સાર્વત્રિક મંદીથી રોકાણકારોને જંગી નુકસાન થયું છે. બીએસઇ પર 1660 શેર વધીને જ્યારે ૨૫૨૮ શેર ઘટીને બંધ થતા માર્કેટ બ્રેડ્થ નેગેટિવ થઇ હતી. આજે બીએસઇ પર લિસ્ટેડ કંપનીઓની કુલ માર્કેટકેપ ૪૬૩.૫૧ લાખ કરોડ રૂપિયા થઇ હતી, જે ગઇકાલે ૪૬૮.૪૯ લાખ કરોડ રૂપિયા થઇ હતી. આમ શુક્રવારે શેરબજારના રોકાણકારોને ૫ લાખ કરોડ રૂપિયાનું જંગી નુકસાન થયું છે.

આઈટી ઇન્ડેક્સ સિવાય બીએસઇના તમામ સેક્ટોરિયલ ઇન્ડેક્સ ઘટ્યા હતા. જેમા સૌથી વધુ ઓટો ઇન્ડેક્સ ૧૧૪૪ પોઇન્ટ, બેંકેક્સ ૬૯૮ પોઇન્ટ, મેટલ, ૬૪૬ પોઇન્ટ, હેલ્થકેર ૫૧૯ પોઇન્ટ ઘટ્યા હતા. ટ્યૂબ ઇન્વેસ્ટમેન્ટ ઓફ ઈન્ડિયાને બાદ કરતા ઓટો ઇન્ડેક્સના ૨૦ માંથી ૧૯ શેર ઘટ્યા હતા. બેંક નિફ્ટી ૬૫૯ પોઇન્ટ તૂટ્યો હતો.

શેરબજારમાં કડાકા વચ્ચે પણ આઈટી અને ટેકનોલોજી શેર મજબૂત. સેન્સેક્સના ૩૦ માંથી માંથી માત્ર ૫ શેર વધ્યા હતા, જેમા ૩ આઈટી શેર હતા. ટોપ ૫ લુઝરમાં એચસીએલ ટેકનોલોજી ૧.૨ ટકા, ટ્રેન્ટ ૧.૧ ટકા, ઇન્ફોસિસ, ઇટરનલ અને એનટીપીસી સાધારણ સુધર્યા હતા. સૌથી વધુ ઘટેલા ૫ શેરમાં સન ફાર્મા ૨.૬ ટકા, ભારતી એરટેલ અઢી ટકા, મહિન્દ્રા મહિન્દ્રા અને બજાજ ફિનસર્વ ૨.૪ ટકા અને ઇન્ડિગો ૨.૩ ટકા ઘટ્યા હતા. 

ભારતીય શેરબજાર માટે શુક્રવાર ફરી બ્લેક ફ્રાઇડે સાબિત થયો હતો. જંગી વેચવાલીથી સેન્સેક્સ નિફ્ટીમાં મોટો કડાકો નોંધાયો અને રોકાણકારોને જંગી નુકસાન થયું છે. સેન્સેક્સ ૯૬૧ પોઇન્ટ તૂટ્યો અને ૮૧૨૮૭ બંધ થયો છે. એનએસઇ નિફ્ટી ૩૧૮ પોઇન્ટ ઘટી ૨૫૧૭૮ બંધ થયો છે. ૨ ફેબ્રુઆરી બાદ સેન્સેક્સ ૮૨૦૦૦ લેવલ નીચે બંધ થયો છે, જે શેરબજારમાં મંદી આગળ વધવાના સંકેત આપે છે.

શેરબજારમાં તીવ્ર વેચવાલીથી મંદી યથાવત છે. સેન્સેક્સ ૬૦૦ પોઇન્ટથી વધુ તૂટ્યો અને ૮૧,૬૨૦ સુધી ઘટ્યો હતો. તો એનએસઇ નિફ્ટી ૨૦૦ પોઇન્ટના ઘટાડે ૨૫,૨૭૧ થયો હતો. આજે બેંક,ઓટો, કેપિટલ ગુડ્સ અને હેલ્થકેર શેર સૌથી વધુ ઘટ્યા છે.

શેરબજારનું સેન્ટિમેન્ટ નરમ રહેતા સપ્તાહના દિવસે સેન્સેક્સ નિફ્ટી સપાટ ખુલ્યા બાદ મહત્વપૂર્ણ ટેકારૂપ સપાટીની નીચે ટ્રેડિંગ કરી રહ્યા છે. શુક્રવારે સેન્સેક્સ ૨૮ પોઇન્ટ ઘટી ૮૨,૨૨૦ ખુલ્યો હતો. બ્લુચીપ ઓટો અને બેંક શેરમાં ભારે વેચવાલીથી સેન્સેક્સ ૩૮૦ પોઇન્ટ જેટલો તૂટ્યો અને ૮૨૦૦૦ નું સપોર્ટ લેવલ તોડી ૮૧૮૬૭ સુધી ઘટ્યો હતો. એનએસઇ નિફ્ટી ૫૦ પોઇન્ટ ઘટી ૨૫,૪૫૯ ખુલ્યો હતો. ઓપનિંગ સેશનમાં જ સેન્સેક્સ ૧૧૦ પોઇન્ટ ઘટી ૨૫૩૮૫ સુધી ઘટ્યો હતો.