જો તમે અગાઉથી જાણવા માંગતા હોવ કે સિલિન્ડરમાં કેટલો ગેસ બચ્યો છે તો તમે એક સરળ ટ્રીક અપનાવી શકો છો. જે તમને કોઈપણ મશીન વિના સિલિન્ડરમાં કેટલો ગેસ બાકી છે તે જાણવામાં મદદ કરી શકે છે.
આજકાલ રસોઈ માટે દરેક ઘરમાં એલપીજી ગેસ સિલિન્ડરનો ઉપયોગ થાય છે. એલપીજી ગેસ સિલિન્ડર દરેક રસોડાની જરૂરિયાત બની ગયો છે. જોકે ક્યારેક રસોઈ બનાવતી વખતે ગેસ અચાનક ખતમ થઈ જાય છે, જેના કારણે નોંધપાત્ર અસુવિધા થાય છે. વધારાનો સિલિન્ડર ના હોવાથી મોટી સમસ્યાઓ થાય છે, જેના કારણે રસોડાના કામ અટકી જાય છે. આવામાં જો તમે અગાઉથી જાણવા માંગતા હોવ કે સિલિન્ડરમાં કેટલો ગેસ બચ્યો છે તો તમે એક સરળ ટ્રીક અપનાવી શકો છો. અહીં અમે તમને એક સરળ રીત વિશે જણાવવા જઈ રહ્યા છીએ જે તમને કોઈપણ મશીન વિના સિલિન્ડરમાં કેટલો ગેસ બાકી છે તે જાણવામાં મદદ કરી શકે છે.
આ ટ્રીક તમને મિનિટોમાં કેટલો ગેસ બાકી છે તે જાણવામાં મદદ કરશે
આ માટે ચોક વડે સિલિન્ડર પર ઉપરથી નીચે સુધી એક લાંબી લાઈન દોરો. જ્યાં આ લાઈન ભીની રહે છે, ગેસ ભરેલો છે અને સૂકાયેલી લાઈનનો ભાગ ખાલી છે. આ યુક્તિ તમને ગેસ સમાપ્ત થાય તે પહેલાં તે શોધવામાં મદદ કરી શકે છે.
ભીના કપડાથી ચેક કરો
આ સૌથી વૈજ્ઞાનિક રીતે વિશ્વસનીય પદ્ધતિ છે. આ પાછળનો તર્ક એ છે કે સિલિન્ડરનો જે ભાગ જ્યાં પ્રવાહી ગેસ હાજર છે તે ભાગ જ્યાં લિક્વિડ ગેસ છે ત્યાં વધારે ઠંડો રહે છે. કાપડ લો અને તેને પાણીમાં પલાળી દો. આ ભીના કપડાને સિલિન્ડરની આસપાસ વીંટાળો અથવા ઉપરથી નીચે સુધી ભીની પટ્ટી લગાવો. ૨-૩ મિનિટ પછી કાપડને દૂર કરો. સિલિન્ડરના ખાલી ભાગમાં પાણી ઝડપથી સુકાઈ જશે. સિલિન્ડરનો જે ભાગ ગેસ બાકી છે તે હજુ પણ ભીનો દેખાશે.
ગેસના ફ્લેમ દ્વારા ચેક કરો
આ પદ્ધતિ તમને ચોક્કસ માત્રા જણાવશે નહીં પરંતુ તે ચોક્કસપણે તમને ચેતવણી જરૂરથી આપી દેશે. વાદળી જ્યોત સૂચવે છે કે પૂરતો ગેસ છે અને દબાણ યોગ્ય છે. પીળો અથવા નારંગી જ્યોત સૂચવે છે કે ગેસ સમાપ્ત થવાનો છે. આ બર્નરમાં દબાણ ઘટાડે છે અને અશુદ્ધિઓ બળવા લાગે છે, જેના કારણે જ્યોતનો રંગ બદલાઈ જાય છે.
વિશ્વ સમાચાર રિપોર્ટર
( કલ્પેશ એન લીંબાસિયા )
