૩ ભૂલ એટલી ભારે પડશે કે ઘરમાં મુસીબતની લાઈન લાગશે

આજના આધુનિક સમયમાં જ્યાં લોકો એપાર્ટમેન્ટ અથવા નાના ઘરોમાં રહે છે, ત્યાં આંગણાનું સુખ દરેકના ભાગ્યમાં નથી હોતું. આવા સમયમાં ઘરની છત જ એકમાત્ર એવો સહારો બચે છે જ્યાં આપણે હરિયાળી રાખી શકીએ છીએ. આપણે સૌ પોતાના ઘરમાં સુખ-સમૃદ્ધિ માટે તુલસીનો છોડ ચોક્કસપણે લગાવીએ છીએ, પરંતુ સવાલ એ ઊભો થાય છે કે શું છત પર તુલસી રાખવી એ પાપ કે વાસ્તુ દોષની શ્રેણીમાં આવે છે?
ધાર્મિક અને વાસ્તુશાસ્ત્રના નિષ્ણાતોનું માનીએ તો, તુલસીના છોડને ધાબા પર રાખવો વર્જિત નથી, પરંતુ તેને રાખવાની રીત અને સ્થાન જ નક્કી કરે છે કે તમને પુણ્ય મળશે કે પછી તમે અજાણતા જ કોઈ મોટી મુશ્કેલીને આમંત્રણ આપી રહ્યા છો. જો તમે ધાબા પર તુલસીનો છોડ રાખો છો, તો ભૂલથી પણ આ ૩ ભૂલો ન કરતા નહિતર સુખના બદલે કષ્ટો તમારો પીછો નહીં છોડે.

સાફ-સફાઈની ઘોર અવગણના
તુલસીને સાક્ષાત લક્ષ્મીજીનું સ્વરૂપ માનવામાં આવે છે. ધાબા પર વારંવાર ધૂળ, સૂકા પાંદડા કે પક્ષીઓની ગંદકી જમા થતી હોય છે. જો તમે તુલસીના છોડની આસપાસ સફાઈ નથી રાખતા, તો તે સીધી જ ઘરની સકારાત્મક ઉર્જાને નકારાત્મકતામાં બદલી નાખે છે. ધાબા પર રાખેલો છોડ જો ગંદો હશે, તો તે ઘરમાં દરિદ્રતા અને અશાંતિ લાવે છે. યાદ રાખો જ્યાં સ્વચ્છતા છે, ત્યાં જ તુલસીનો વાસ છે.
દિશાની ખોટી પસંદગી
વાસ્તુશાસ્ત્રમાં દિશાઓનું ખૂબ જ મહત્વ છે. ધાબા પર તુલસીના છોડને ગમે ત્યાં મૂકી દેવાથી વાસ્તુદોષ ઊભો થાય છે. તુલસીને હંમેશાં ઉત્તર અથવા ઉત્તર-પૂર્વ (ઈશાન કોણ) દિશામાં જ રાખવી જોઈએ. જો તમે તેને દક્ષિણ કે પશ્ચિમ દિશામાં રાખી હશે, તો તે તમારી આર્થિક પ્રગતિમાં અવરોધ ઊભો કરી શકે છે. ખોટી દિશામાં રાખેલો છોડ સકારાત્મક ઉર્જા આપવાને બદલે ઘરમાં કલેશ અને તણાવ વધારે છે.
ઉપેક્ષા અને સૂખા છોડનું અપમાન
ધાબા પર છોડ મૂકીને તેને તેના હાલ પર છોડી દેવો એ સૌથી મોટો અપરાધ છે. ઘણા લોકો ધાબા પર તુલસીનો છોડ વાવી તો દે છે, પરંતુ તેને નિયમિત પાણી આપવાનું કે દીવો પ્રગટાવવાનું ભૂલી જાય છે. ધાબા પર તુલસીનું સુકાવું કે મુરઝાવું એ ઘરના વડાના સ્વાસ્થ્ય અને ધન પર સીધો પ્રહાર કરે છે. જો તમે રોજ ધાબા પર જઈને તુલસીની સેવા ન કરી શકો, તો તેને ધાબા પર રાખવાનો વિચાર જ છોડી દો.

શું ઉપાય કરવો?

• જો તમારી પાસે જમીન પર જગ્યાનો અભાવ હોય અને છત જ એકમાત્ર વિકલ્પ હોય, તો તુલસીના છોડને એક ઊંચા સ્ટેન્ડ અથવા ચબૂતરા પર રાખો, જેથી તે સીધો જમીનના સંપર્કમાં ન રહે.
• છોડની ઉપર એક નાની છાયા અથવા છતની વ્યવસ્થા કરો, જેથી તેને કાળઝાળ ગરમી અને પક્ષીઓથી બચાવી શકાય.
• નિયમિત રીતે સાંજના સમયે ત્યાં એક દીવો ચોક્કસ પ્રગટાવો.

વિશ્વ સમાચાર રિપોર્ટર

( કલ્પેશ એન લીંબાસિયા )