ગુજરાતમાં મેઘાની તોફાની બેટિંગ

છેલ્લા ૨૪ કલાકમાં ગુજરાતમાં પડેલા વરસાદની વાત કરીએ તો કૂલ ૧૯૫ તાલુકામાં વરસાદ નોંધાયો હતો. જેમાં સૌથી વધારે વરસાદ સુરત શહેરમાં ૧૪.૦૯ ઈંચ પડ્યો હતો. જેના કારણે સુરત શહેર જળમગ્ન થયું હતું.

ગુજરાતમાં ચોમાસું બરોબર જામ્યનં છે. ખાસ કરીને દક્ષિણ ગુજરાત અને સૌરાષ્ટ્ર વિસ્તારોમાં ભારે વરસાદ પડી રહ્યો છે. છેલ્લા ૨૪ કલાકમાં ગુજરાતમાં પડેલા વરસાદની વાત કરીએ તો કૂલ ૧૯૫ તાલુકામાં વરસાદ નોંધાયો હતો. જેમાં સૌથી વધારે વરસાદ સુરત શહેરમાં ૧૪.૦૯ ઈંચ પડ્યો હતો. જેના કારણે સુરત શહેર જળમગ્ન થયું હતું.

૨૪ કલાકમાં ૧૯૫ તાલુકામાં વરસાદ નોંધાયો

ગુજરાત સ્ટેટ ઈમર્જન્સી ઓપરેશન સેન્ટર ગાંધીનગર દ્વારા આપેલા વરસાદના આંકડા પ્રમાણે ૦૭-૦૭-૨૦૨૬, સવારે ૦૬:૦૦ વાગ્યાથી લઈને ૦૮-૦૭-૨૦૨૬, સવારે ૦૬:૦૦ વાગ્યા દરમિયાન ૨૪ કલાકમાં ગુજરાતના ૧૯૫ તાલુકામાં વરસાદ નોંધાયો હતો. જેમાં સૌથી વધારે વરસાદ સુરતમાં નોંધાયો હતો. આ ઉપરાંત નવસારી, વલસાડ, તાપીમાં પણ અતિ ભારે વરસાદ નોંધાયો હતો.

ગુજરરાતના છ તાલુકામાં ૧૦ ઈંચ કરતા વધારે વરસાદ

ગુજરાત સ્ટેટ ઈમર્જન્સી ઓપરેશન સેન્ટર ગાંધીનગર પ્રમાણે ૨૪ કલાકમાં ગુજરાતના ૧૯૫ તાલુકામાં વરસાદ નોંધાયો હતો.જેમાં ૬ તાલુકા એવા છે જ્યાં ૧૦ ઈંચ કરતા વધારે વરસાદ નોંધાયો હતો.  

૧૪ ઈંચ વરસાદ સાથે સુરત શહેર બન્યું જળમગ્ન

ગુજરાતમાં છેલ્લા ૨૪ કલાકમાં સૌથી વધારે વરસાદ સુરત જિલ્લા અને શહેરમાં નોંધાયો હતો. ૨૪ કલાકમાં સુરત શહેરમાં ૧૪.૦૯ ઈંચ વરસાદ નોંધાયો હતો. જેના કારણે સુરત શહેર જળબંબાકાર થયું હતું. સુરત શહેરમાંથી પસાર થતી પાંચમાંથી ચાર ખાડી ઓવરફ્લો થતા સ્લમ વિસ્તારથી લઈ પોશ વિસ્તારમાં જળબંબાકારની સ્થિતિ સર્જાઈ હતી. તો બીજી તરફ વરસાદી પાણી દુકાનો અને ઘરમાં ઘૂસી જતા કેટલું નુકસાન થયું તેનો આંક તો પાણી ઓસર્યા બાદ જ સામે આવશે. 

સુરતે વરસાદનો ૮૫ વર્ષ જૂનો રેકોર્ડ તોડ્યો

મળતી માહિતી પ્રમાણે સુરતે ૧૦૪૧ માં જુલાઈ મહિનામાં નોંધાયેલા ૧૮ ઇંચ વરસાદનો ૮૫ વર્ષ જૂનો રેકોર્ડ પણ તોડી નાખ્યો છે. શહેરનો એવો કોઈ વિસ્તાર નથી કે જ્યાં પાણી ભરાયું ન હોય. ફસાયેલા લોકોને ગળાડૂબ પાણીમાંથી બહાર કાઢવા માટે દરેક વિસ્તારમાં ટ્રેક્ટર અને ડમ્પરનો ઉપયોગ કરાયો હતો.