ગુજરાત સરકારે દિવ્યાંગ અધિકારીઓ અને કર્મચારીઓ માટે મહત્વપૂર્ણ સંવેદનશીલ પગલું ભર્યું

બઢતીમાં અનામત અંગે નીતિ ઘડવા માટે સરકારે ઉચ્ચ કક્ષાની ૫ સભ્યોની સમિતિની રચના કરી છે.

ગુજરાત સરકાર દ્વારા દિવ્યાંગ અધિકારીઓ અને કર્મચારીઓને બઢતીમાં અનામત આપવા અંગે નીતિ ઘડવાની દિશામાં મહત્વપૂર્ણ નિર્ણય લેવામાં આવ્યો છે. મુખ્યમંત્રી ભૂપેન્દ્ર પટેલના નેતૃત્વ હેઠળ સરકારે આ અંગે સંવેદનશીલ પગલું ભર્યું છે. સરકારી નોકરીમાં દિવ્યાંગ અધિકારીઓ અને કર્મચારીઓને બઢતીની પ્રક્રિયામાં અનામતનો લાભ કેવી રીતે આપી શકાય તે અંગે હવે નીતિ તૈયાર કરવામાં આવશે. આ માટે રાજ્ય સરકારે ઉચ્ચ કક્ષાની સમિતિની રચના કરી છે.

સરકાર દ્વારા રચવામાં આવેલી આ સમિતિની અધ્યક્ષતા મુખ્ય સચિવ કરશે. મુખ્ય સચિવની અધ્યક્ષતામાં કુલ ૫ સભ્યોની ઉચ્ચ કક્ષાની સમિતિ બનાવવામાં આવી છે. આ સમિતિ દિવ્યાંગ અધિકારીઓ અને કર્મચારીઓને બઢતીમાં અનામત આપવા અંગેના વિવિધ પાસાઓનો અભ્યાસ કરશે અને તેના આધારે રાજ્ય માટે યોગ્ય નીતિ ઘડવાની પ્રક્રિયા હાથ ધરશે.