યશ સ્ટારર ‘ટોક્સિક’ ફિલ્મે રિલીઝના ૨ દિવસ પહેલાં જ એડવાન્સ બુકિંગમાં ₹ ૩૨.૫૨ કરોડનું ગ્રોસ કલેક્શન મેળવી રેકોર્ડ સર્જ્યો છે.
ગીતુ મોહનદાસ દિગ્દર્શિત યશ અભિનીત ફિલ્મ ‘ટોક્સિક: અ ફેરીટેલ ફોર ગ્રોન અપ્સ’ ફિલ્મ રિલીઝ થવાને હવે ફક્ત બે દિવસ બાકી છે. આ ફિલ્મે થિયેટરોમાં આવતા પહેલા જ એડવાન્સ બુકિંગમાં ભારે અસર કરી છે. તેણે સ્થાનિક બોક્સ ઓફિસ પર ₹ ૩૦ કરોડનો આંકડો પાર કરી દીધો છે.
મૂળ કન્નડ અને અંગ્રેજીમાં બનેલી આ ફિલ્મને અન્ય ભારતીય ભાષાઓમાં ડબ કરવામાં આવી છે. ટોક્સિકને સેન્સર બોર્ડ તરફથી ‘A’ પ્રમાણપત્ર મળ્યું છે. રવિવાર રાત સુધીમાં ફિલ્મે વિવિધ ભાષાઓમાં સીધી ટિકિટ વેચાણ દ્વારા ભારતમાં ₹ ૨૩.૯૧ કરોડની કમાણી કરી લીધી છે.
ટોક્સિક ફિલ્મના કન્નડ વર્ઝનએ ૨Dમાં ₹ ૧૦.૯૨ કરોડ, IMAX ૨Dમાં ₹ ૭૧.૧૧ લાખ અને ૪DXમાં ₹ ૨૧.૧૭ લાખની કમાણી કરી હતી. ફક્ત કન્નડ ૨D ફોર્મેટમાં ૧,૬૪૮ શોમાં ૨,૫૫,૬૮૪ ટિકિટ વેચાઈ હતી.
બેંગલુરુમાં સૌથી વધુ ટિકિટ વેચાણ
બેંગલુરુમાં સૌથી વધુ ટિકિટ વેચાઈ હતી, જ્યાં ૯૫૨ શોએ ₹ ૮.૮૩ કરોડથી વધુની આવક કરી હતી. ટ્રેડ ટ્રેકર સેકનિલ્ક અનુસાર, કર્ણાટકમાં કુલ સ્ક્રીન ક્ષમતાના ૭૦ % પહેલાથી જ બુક થઈ ગયા છે, અને બાકીના ૩૦ % ઝડપથી ભરાઈ રહ્યા છે. જોકે જેમ જેમ રિલીઝ તારીખ નજીક આવી રહી છે તેમ તેમ ડબ કરેલ હિન્દી વર્ઝન પણ મૂળ કન્નડ વર્ઝને સખત સ્પર્ધા આપી રહ્યું છે.
હિન્દી વર્ઝને 2D ફોર્મેટમાં ૩,૧૮,૯૫૩ ટિકિટ વેચીને ₹ ૧૦.૮૪ કરોડની કમાણી કરી છે. બીજા શબ્દોમાં કહીએ તો ૨D ફોર્મેટમાં હિન્દી વર્ઝન માટે ટિકિટ વેચાણ કન્નડ વર્ઝન કરતા ૧૦૦,૦૦૦ થી વધુ કમાણી કરી છે. વધુમાં હિન્દી વર્ઝને IMAX ૨D થી ₹ ૨૭.૮૭ લાખ, ૪DX થી ₹ ૨૧.૪૬ લાખ અને ડોલ્બી સિનેમાથી ₹ ૬૪,૭૦૦ ની કમાણી કરી છે.
તમિલ ત્રીજા ક્રમે
ડબ થયેલ તમિલ વર્ઝન કન્નડ અને હિન્દી પછી ત્રીજા ક્રમે છે. જોકે તેની કમાણી અન્ય બે ભાષાઓ દ્વારા ઉત્પન્ન થતી આવકના ૧૦ % કરતા પણ ઓછી છે. તમિલ વર્ઝનએ ૨૫,૯૪૭ શોમાંથી ₹ ૪૨.૩૨ લાખની કમાણી કરી છે. આ પછી મલયાલમ વર્ઝનએ ૯,૧૬૫ શોમાંથી ₹ ૧૮.૩૬ લાખની કમાણી કરી છે, અને તેલુગુ વર્ઝનએ ૫,૨૬૩ શોમાંથી ₹ ૧૩ લાખથી વધુની કમાણી કરી છે.
‘ટોક્સિક’ની કમાણી ₹ ૩૨ કરોડને વટાવી ગઈ છે
ભારતમાં ‘ટોક્સિક’ માટે કુલ એડવાન્સ બુકિંગ હાલમાં ₹ ૨૩.૯૧ કરોડ છે, જેમાં ૪.૭૫ લાખથી વધુ ટિકિટ વેચાઈ છે. બ્લોક બુકિંગને સમાવવામાં આવે ત્યારે આ આંકડો ₹ ૩૨.૫૨ કરોડ સુધી વધે છે. વર્તમાન વલણોના આધારે વેપાર નિષ્ણાતોનો અંદાજ છે કે યશની ફિલ્મ તેના શરૂઆતના દિવસે વિશ્વભરમાં ₹ ૧૦૦ કરોડથી ₹ ૧૨૦ કરોડની કમાણી કરી શકે છે.
જો આવું થાય તો યશ ‘બાહુબલી’ સ્ટાર પ્રભાસ પછી એકમાત્ર ભારતીય અભિનેતા બનશે જેની સતત ત્રણ ફિલ્મો ₹ ૧૦૦ કરોડથી વધુ કમાણી કરી રહી છે. યશ ગેંગસ્ટર ફ્રેન્ચાઇઝ ‘KGF’ દ્વારા પોતાને વૈશ્વિક સ્ટાર તરીકે સ્થાપિત કરી ચૂક્યો છે.
તે ફ્રેન્ચાઇઝીએ વિશ્વભરમાં આશરે ₹ ૧,૫૦૦ કરોડની કમાણી કરી છે. નોંધનીય છે કે, યશનો આગામી પ્રોજેક્ટ નિતેશ તિવારીની ‘રામાયણ’ છે, જે આ દિવાળી પર વૈશ્વિક સ્તરે રિલીઝ થવાની છે.
૨૬ ઓગસ્ટે આવશે ‘ટોક્સિક’
યશ અને ગીતુ મોહનદાસ દ્વારા સહ-લેખિત, ફિલ્મ ‘ટોક્સિક’ કે. વેંકટ નારાયણના કેવીએન પ્રોડક્શન્સ અને યશના મોન્સ્ટર માઇન્ડ ક્રિએશન્સ દ્વારા સંયુક્ત રીતે બનાવવામાં આવી છે. કલાકારોમાં નયનતારા, કિયારા અડવાણી, રુક્મિણી વસંત, હુમા કુરેશી, તારા સુતારિયા અને અક્ષય ઓબેરોય જેવા કલાકારો શામેલ છે. આ ફિલ્મ આ બુધવાર ૨૬ ઓગસ્ટના રોજ ઓણમના દિવસે સિનેમાઘરોમાં રિલીઝ થવાની છે.
કલ્પેશ એન લીંબાસિયા
વિશ્વ સમાચાર રિપોર્ટર
