છેલ્લા ૫ વર્ષમાં ૯૦૮ ને આજીવન કેદ અને ૧૬ ને ફાંસીની સજા
ગુજરાત સરકાર મહિલાઓ અને બાળકીઓ વિરુદ્ધ બળાત્કારના કેસોમાં ‘ઝીરો-ટોલરન્સ’ નીતિ અપનાવી રહી છે. છેલ્લા પાંચ વર્ષમાં ગુજરાતમાં પોક્સો કેસોમાં ઐતિહાસિક ન્યાય આપવામાં આવ્યો છે.
ગુજરાત સરકાર મહિલાઓ અને બાળકીઓ વિરુદ્ધ બળાત્કારના કેસોમાં ‘ઝીરો-ટોલરન્સ’ નીતિ અપનાવી રહી છે. છેલ્લા પાંચ વર્ષમાં ગુજરાતમાં પોક્સો કેસોમાં ઐતિહાસિક ન્યાય આપવામાં આવ્યો છે. આ સમયગાળા દરમિયાન ૧,૭૮૫ ચુકાદા આપવામાં આવ્યા હતા, જેના પરિણામે ૯૦૮ દોષિતોને આજીવન કેદ અને અન્ય ૧૬ ને મૃત્યુદંડની સજા ફટકારવામાં આવી હતી.
ગુજરાત સરકાર દ્વારા ‘ઝીરો-ટોલરન્સ’ નીતિનો અમલ
છોકરીઓની સુરક્ષા સુનિશ્ચિત કરવા અને જાતીય ગુનાઓ સામે કડક તથા ત્વરિત ન્યાયિક કાર્યવાહી કરવા માટે ગુજરાત સરકારે ‘ઝીરો-ટોલરન્સ’ નીતિ અમલમાં મૂકી છે. આ નીતિના પરિણામે પોક્સો (જાતીય ગુનાઓથી બાળકોનું રક્ષણ) અધિનિયમ હેઠળ નોંધાયેલા કેસોની ન્યાયિક પ્રક્રિયા અભૂતપૂર્વ ગતિએ આગળ વધી રહી છે.
પોક્સો કોર્ટ દ્વારા ૭૨ કલાકમાં આજીવન કેદની સજા
પોલીસની તપાસ પદ્ધતિ જે સંવેદનશીલતા અને વૈજ્ઞાનિક પુરાવા એકત્રિત કરવા સહિતની ઝીણવટભરી તપાસ દ્વારા ચિહ્નિત થયેલ છે. તે ગુનેગારોને કડક સજા અપાવવામાં નિર્ણાયક સાબિત થઈ છે. તાજેતરમાં ગાંધીનગરના કલોલની પોક્સો કોર્ટે એક દાખલો બેસાડ્યો છે. કોર્ટે ૧૫ વર્ષની સગીર બાળકી પર બળાત્કાર ગુજારનાર આરોપીને પોલીસે ચાર્જશીટ દાખલ કર્યાના માત્ર ૭૨ કલાકમાં જ બાકીના કુદરતી જીવનકાળ સુધીની આજીવન કેદની સજા સંભળાવી હતી.
કલ્પેશ એન લીંબાસિયા
વિશ્વ સમાચાર રિપોર્ટર
