જાણો ધાર્મિક માન્યતા

ગણેશ ચતુર્થી દરમિયાન ગણપતિ બાપ્પાની પૂજા દરમિયાન તેમને કેટલીક વસ્તુઓ અર્પણ કરવાની મનાઈ છે. તેમની પાછળ કેટલાક ધાર્મિક મહત્વનો ઉલ્લેખ કરવામાં આવ્યો છે. ચાલો જાણીએ ગણેશ ઉત્સવ દરમિયાન બપ્પાને કઇ કઇ ચીજો અર્પણ ન કરવી જોઇએ.

ગણેશ ચતુર્થી તહેવાર દેશભરમાં ધામધૂમથી ઉજવાય છે. ગણેશ ચુતર્થી પર વિધ્નહર્તાના આગમન સાથે શરૂ થતો આ ૧૧ દિવસનો ધાર્મિક તહેવાર અનંદ ચદૌશ પર બાપ્પાના વિસર્જન પર અશ્રુ ભીની આંખો સાથે સમાપ્ત થયા છે. 

ગણેશ ચતુર્થી ૨૦૨૬ તારીખ 

પંચાંગ મુજબ, ૨૦૨૬ માં ભાદરવો સુદ ચોથ તિથિ ૧૪ સપ્ટેમ્બરના રોજ સવારે ૦૭:૦૬ વાગ્યે શરૂ થશે અને બીજા દિવસે ૧૫ સપ્ટેમ્બરના રોજ સવારે ૦૭:૪૪ વાગ્યે સમાપ્ત થશે. ઉદય તિથિ અનુસાર ૧૪ સપ્ટેમ્બરના રોજ ગણેશ ચતુર્થી ઉજવાશે. આ દિવસે વિધ્નહર્તા ગણેશજીની મૂર્તિની સ્થાપના કરવામાં આવશે.

ધાર્મિક માન્યતાઓ અનુસાર, ગણેશ ઉત્સવ દરમિયાન ગજાનંદની પૂજા કરવાથી સુખ, સમૃદ્ધિ, સૌભાગ્ય અને શાંતિ મળે છે. ભગવાન ગણેશજી બહુ જલ્દીથી પ્રસન્ન થઈ જાય છે. જો તમે પણ ગણેશજીની પૂજા કરી રહ્યા છો, તો તેમને કેટલીક વસ્તુઓ અર્પણ કરવાની મનાઈ છે. ચાલો જાણીએ કે ગણેશ ઉત્સવ દરમિયાન ગણપતિ દાદાને કઈ ચીજો અર્પણ કરવાની મનાઈ છે.

ગણેશ જીને તુલસી કેમ અર્પણ થતી નથી? 

ધાર્મિક માન્યતાઓ અનુસાર, ભગવાન ગણેશને તુલસીના પાન અર્પણ કરવાની સખ્ત મનાઇ છે. તેની પાછળ એક દંતકથા છે. આ અનુસાર, એક વખત દેવી તુલસીએ ભગવાન ગણેશને પોતાના પતિ તરીકે મેળવવાની ઇચ્છા વ્યક્ત કરી હતી અને તેમની સાતમે લગ્નનો પ્રસ્તાવ મૂક્યો હતો. પરંતુ ગણપતિ બાપ્પાએ આ પ્રસ્તાવનો અસ્વિકાર કર્યો હતો.

તુલસીજીએ ગુસ્સા અને નારાજગીમાં ભગવાન ગણેશને શાપ આપ્યો કે તમારા બે લગ્ન થઇ. આ શ્રાપ સાંભળીને ગણેશજી પણ ક્રોધિત થયા. ગણેશજી પણ શ્રાપ આપતા કહ્યું કે, “હે તુલસી! તારે પણ રાક્ષસ સાથે લગ્ન કરવા પડશે અને મારી પૂજામાં તારો ક્યારેય ઉપયોગ થશે નહીં. આ કારણોસર ગણેશજીની પૂજામાં તુલસીનો ઉપયોગ થતો નથી.

કેતકીના ફૂલ

શંકરજી સિવાય ગણેશજીને પણ કેતકી પુષ્પ અર્પણ કરવાની મનાઈ છે. પૌરાણિક કથાઓ અનુસાર, ભગવાન વિષ્ણુ અને બ્રહ્માજીમાં કોણ ચડિયાતું છે? આ અંગે યુદ્ધ થયું હતું. પછી શિવે એક રસ્તો શોધી કાઢ્યો. પરંતુ કેતકી ફૂલની સાથે મળીને બ્રહ્માજીએ છળકપટ કર્યો હતો. 

ભગવાન શિવ બ્રહ્માજીની આ છળકપટને સમજી ગયા અને ખૂબ ક્રોધિત થઈ ગયા. પછી તેમણે કેતકી ફૂલને શ્રાપ આપ્યો કે હવેથી આ ફૂલ તેમની પૂજામાં સ્વીકારવામાં આવશે નહીં. ભગવાન ગણેશ ભગવાન શિવના પુત્ર હોવાથી, ગણેશ પૂજામાં પણ કેતકી ફૂલો અર્પણ કરવાની મનાઇ છે.

તૂટેલા ચોખા

ભગવાન ગણેશને ચોખા એટલે કે અક્ષત અર્પણ કરતી વખતે થોડી સાવચેત રહેવાની જરૂર છે. કોઈએ ક્યારેય ગણેશનીને તૂટેલા ચોખા એટલે કે અક્ષત અર્પણ કરવા જોઈએ નહીં, કારણ કે તે અપૂર્ણતા અને વિધ્નના સંકેત છે.

ભગવાન ગણેશને સફેદ વસ્તુ અર્પણ ન કરવી

પૌરાણિક કથાઓ અનુસાર, ચંદ્ર દેવતા તેમની સુંદરતા અને તેજ માટે જાણીતા હતા. તેઓ પોતાને બ્રહ્માંડમાં સૌથી સુંદર અને મનોહર માનતા હતા. તેમને આ વિશે બહુ અભિમાન હતો. આવી સ્થિતિમાં તેમણે એક વખત ગણેશની મજાક ઉડાવી હતી.

ચંદ્રના આ વર્તનથી ભગવાન ગણેશ ગુસ્સે થયા અને તેમને શ્રાપ આપ્યો કે આજથી જે તારા દર્શન કરશે તે કલંકિત થશે. તેને સમાજમાં અપમાન અને બદનામીનો સામનો કરવો પડશે. આ જ કારણ છે કે ગણેશ ચતુર્થીના દિવસે ચંદ્ર જોવાની મનાઈ છે. આ સિવાય ચંદ્રનો રંગ સફેદ હોય છે. આવી સ્થિતિમાં, સફેદ રંગની વસ્તુઓ ગણેશજીને અર્પણ કરવામાં આવતી નથી.

 

કલ્પેશ એન લીંબાસિયા

વિશ્વ સમાચાર રિપોર્ટર

Disclaimer :  આ લેખમાં વિશ્વ સમાચાર એ આપવામાં આવેલી માહિતી ધાર્મિક માન્યતાઓ, પૌરાણિક કથાઓ અને પ્રચલિત પરંપરાઓ પર આધારિત છે. વિવિધ પ્રદેશો, સંપ્રદાયો અને પરિવારોમાં પૂજા પ્રથાઓ અને માન્યતાઓમાં તફાવત હોઈ શકે છે. તેથી, અહીં જણાવેલી બાબતોને અંતિમ અથવા સાર્વત્રિક રીતે સ્વીકૃત ધાર્મિક નિયમો તરીકે ગણવી જોઈએ નહીં. પૂજા દરમિયાન, તમારા પરિવારની પરંપરા અથવા સ્થાનિક વિદ્વાન / પંડિતની સલાહને પ્રાધાન્ય આપો. વધુ માહિતી માટે જાણકારનો સંર્પક કરો.