ભાદરવા મહિનામાં સુદ પક્ષમાં આવતી એકાદશીને પરિવર્તિની એકાદશી કહેવામાં આવે છે. તેને વામન એકાદશી, જળઝીલણી એકાદશી, જયંતિ એકાદશી અને પાર્શ્વ એકાદશી તરીકે પણ ઓળખવામાં આવે છે
હિન્દુ કેલેન્ડર અનુસાર એકાદશી દર મહિનામાં સુદ અને વદ પક્ષ પર આવે છે અને દરેક એકાદશીનું પોતાનું મહત્વ હોય છે. તેવી જ રીતે ભાદરવા મહિનામાં સુદ પક્ષમાં આવતી એકાદશીને પરિવર્તિની એકાદશી કહેવામાં આવે છે. તેને વામન એકાદશી, જળઝીલણી એકાદશી, જયંતિ એકાદશી અને પાર્શ્વ એકાદશી તરીકે પણ ઓળખવામાં આવે છે
આ દિવસે ભગવાન વિષ્ણુ અને દેવી લક્ષ્મીની પૂજા સાથે ઉપવાસ કરવાથી સુખ અને સમૃદ્ધિ આવે છે. આ વખતે પરિવર્તિનીની એકાદશીની તારીખ અંગે મૂંઝવણ છે. પંચાંગ અનુસાર પરિવર્તિની એકાદશીના ચોક્કસ તારીખ, શુભ મુહૂર્ત, પારણાનો સમય અને મહત્વ જાણો.
પરિવર્તિની એકાદશી ૨૦૨૬ ક્યારે છે?
દ્રિક પંચાંગના જણાવ્યા અનુસાર, ભાદરવા મહિનાના શુક્લ પક્ષની એકાદશી ૨૧ સપ્ટેમ્બરે રાત્રે ૦૮:૦૦ વાગ્યે શરૂ થાય છે, જે ૨૨ સપ્ટેમ્બરે રાત્રે ૦૯.૪૩ વાગ્યા સુધી છે. આવી સ્થિતિમાં ઉદયા તિથિ મુજબ ૨૨ સપ્ટેમ્બર ૨૦૨૬ ને મંગળવારના રોજ પરિવર્તિની એકાદશીનું વ્રત રાખવામાં આવશે.
પરિવર્તિની એકાદશી ૨૦૨૬ પારણા સમય
દ્રિક પંચાંગ અનુસાર ૨૩ સપ્ટેમ્બરના રોજ સવારે ૦૬:૧૦ થી ૦૮:૩૫ વાગ્યા સુધી પરિવર્તિની એકાદશીના પારણા કરવા શુભ રહેશે.
પરિવર્તિની એકાદશી ૨૦૨૬ ધાર્મિક મહત્વ
હિન્દુ ધર્મમાં પરિવર્તિની એકાદશીનું વિશેષ મહત્વ છે. તેને વામન એકાદશી, જયંતી એકાદશી અને પાર્શ્વ એકાદશી તરીકે પણ ઓળખવામાં આવે છે. ચાતુર્માસ દરમિયાન ભગવાન વિષ્ણુ યોગ નિદ્રામાં હોય છે અને તેઓ આ એકાદશીના દિવસે પોતાની અવસ્થામાં પરિવર્તન કરે છે એટલે કે પડખું ફરવે છે જેના કારણે તેને પરિવર્તિની એકાદશી કહેવામાં આવે છે.
આ દિવસે ભગવાન વિષ્ણુની વામન સ્વરૂપમાં પૂજા-અર્ચના કરવામાં આવે છે. તેથી આ દિવસે ભગવાન વિષ્ણુની પૂજા કરવાની સાથે મંત્રોનો જાપ કરવો ફાયદાકારક હોઈ શકે છે. આ દિવસે પૂજા સાથે ઉપવાસ કરવાથી અજાણતાં થયેલા પાપોથી છુટકારો મળી શકે છે. આ સાથે આધ્યાત્મિક શુદ્ધિ પણ પ્રાપ્ત થઈ શકે છે.
કલ્પેશ એન લીંબા સિયા
વિશ્વ સમાચાર રિપોર્ટર
ડિસ્ક્લેમર : આ લેખમાં વિશ્વ સમાચાર એ આવેલી કોઈપણ માહિતીની ચોકસાઈ અથવા વિશ્વસનીયતાની બાંયધરી આપવામાં આવતી નથી. જ્યોતિષીઓ, પંચાંગ, માન્યતાઓ અથવા શાસ્ત્રો જેવા વિવિધ માધ્યમોમાંથી એકત્રિત કરીને આ માહિતી તમને પહોંચાડવામાં આવી છે. અમારો ઉદ્દેશ માત્ર માહિતી પહોંચાડવાનો છે. તમે તે સાચું અને સાબિત થવાની પ્રામાણિકતા આપી શકતા નથી. કોઈપણ પ્રકારનો ઉપયોગ કરતા પહેલા, સંબંધિત નિષ્ણાતની સલાહ લો.