ગુજરાતમાં અમદાવાદ સહિતના વિસ્તારોમાં અત્યંત ભારે વરસાદની આગાહી છે. ભારેથી અતિભારે વરસાદને લઈને રાજ્ય પરીક્ષા બોર્ડ(એસઇબી)ની શિક્ષક અભિરુચિ કસોટી (ઉચ્ચત્તર માધ્યમિક) –૨૦૨૬ (ટીએટી-એચએસ) અને ગુજરાત જાહેર સેવા આયોગ(જીપીએસસી) પરીક્ષા મોકૂફ રાખવામાં આવી છે. એસઇબી અને એસઇબી એ પરીક્ષાની નવી તારીખ જાહેર કરી છે.
એસઇબી અનુસાર, રાજ્યમાં ધોધમાર વરસાદની હવામાન વિભાગની આગાહીને લઈને આગામી ૨ ઓગસ્ટના રોજ યોજાનાર શિક્ષક અભિરુચિ કસોટી (ઉચ્ચત્તર માધ્યમિક) – ૨૦૨૬ (ટીએટી-એચએસ)ની ગુજરાતી માધ્યમની મુખ્ય પરીક્ષાની તારીખમાં ફેરફાર કરવામાં આવ્યો છે. હવે આ પરીક્ષા ૮ ઓગસ્ટ, ૨૦૨૬ એ શનિવારના રોજ યોજાશે.
રાજ્ય પરીક્ષા બોર્ડ(એસઇબી)ના સચિવ દ્વારા સ્પષ્ટતા કરવામાં આવી છે કે, ઉમેદવારોએ નવી હોલ ટિકિટ ફરીથી ડાઉનલોડ કરવાની રહેશે નહીં. આમ, અગાઉ ડાઉનલોડ કરેલી હોલ ટિકિટ જ માન્ય ગણાશે. તેમજ પરીક્ષા કેન્દ્ર અને હોલ ટિકિટમાં દર્શાવેલ સમય અગાઉ મુજબ જ રહેશે.
પરીક્ષા સંબંધિત વધુ માહિતી અને અપડેટ્સ બોર્ડની સત્તાવાર વેબસાઇટ www.sebexam.org પરથી ઉમેદવારો મેળવી શકશે.
રાજ્યમાં ધોધમાર વરસાદની આઇએમડીની આગાહીને પગલે આગામી ૧ ઓગસ્ટના શનિવારે લેવાનાર જીપીએસસી ની પ્રાથમિક પરીક્ષા મોકૂફ રાખવામાં આવી છે. આમ, આગામી ૯ ઓગસ્ટના રવિવારના રોજ સવારે ૧૧:૦૦ વાગ્યાથી ૧૨:૦૦ વાગ્યા સુધીમાં પરીક્ષા લેવાશે.
