બસોમાં ફ્રી મુસાફરી માટે ‘પિંક સહેલી સ્માર્ટ કાર્ડ’ની સમયસીમા ૧૬ તારીખ સુધી લંબાઈ
દિલ્હીમાં મહિલાઓ માટે રાહત: બસોમાં ફ્રી મુસાફરી માટે ‘પિંક સહેલી સ્માર્ટ કાર્ડ’ની સમયસીમા ૧૬ તારીખ સુધી લંબાઈ
દિલ્હી સરકાર દ્વારા મહિલાઓ માટે બસોમાં મફત મુસાફરીની સુવિધાને લઈને એક મહત્વપૂર્ણ નિર્ણય લેવામાં આવ્યો છે. સરકારે બસોમાં ફ્રી મુસાફરીનો લાભ લેવા માટે અનિવાર્ય કરાયેલા ‘પિંક સહેલી સ્માર્ટ કાર્ડ’ ના ઉપયોગની સમયસીમા આગામી 16 તારીખ સુધી વધારી દીધી છે.
પિંક ટિકિટ જારી રાખવાનો નિર્ણય:
સંશોધિત આદેશ અનુસાર, મુસાફરોની સગવડ અને સ્માર્ટ કાર્ડની પ્રક્રિયાને ધ્યાનમાં રાખીને ૧૫ ઓગસ્ટ સુધી પરંપરાગત પિંક ટિકિટ જારી કરવામાં આવશે.
સમયસીમા લંબાવવાનું કારણ:
અનેક મુસાફરો હજુ સુધી સ્માર્ટ કાર્ડ કઢાવી શક્યા ન હતા અથવા પ્રક્રિયામાં હતા, જેને લઈને સરકારે આ રાહત આપી છે જેથી મહિલાઓને મુસાફરી દરમિયાન કોઈ મુશ્કેલીનો સામનો ન કરવો પડે.
તંત્ર દ્વારા મહિલાઓને અપીલ કરવામાં આવી છે કે તેઓ નિર્ધારિત સમયમર્યાદા પૂરી થાય તે પહેલાં પોતાનું પિંક સહેલી સ્માર્ટ કાર્ડ કઢાવી લે, જેથી ભવિષ્યમાં પણ વિનામૂલ્યે મુસાફરીનો લાભ મળી શકે.
