નવરાત્રિમાં ગરબા રમવા પાર્ટનર ભાડે મળશે!

₹ ૧૦૦૦ પ્રતિ કલાકના રેટની વાયરલ પોસ્ટે ઈન્ટરનેટ પર મચાવી ધુમ

ગુજરાતના એક યુવાને નવરાત્રિ દરમિયાન દાંડિયા અને ગરબા રમવા માટે પાર્ટનર ન શોધી શકતા લોકો માટે એક ઉકેલ શોધી કાઢ્યો છે. ક્રિષ મિસ્ત્રીએ એવા લોકો માટે એક અનોખી ઓફર રજૂ કરી છે જેમની પાસે ડાન્સ પાર્ટનર નથી. ક્રિષ મિસ્ત્રીના ઇન્સ્ટાગ્રામ એકાઉન્ટ પરથી “રેન્ટ અ ગરબા પાર્ટનર” (ગરબા પાર્ટનર ભાડે લો) શીર્ષકવાળી એક જાહેરાત પોસ્ટ કરવામાં આવી હતી.

આ યુવાને ઓફરના ત્રણ સ્તર રજૂ કર્યા છે. સિલ્વર, ગોલ્ડ અને પ્લેટિનમ. તેની જાહેરાત સોશિયલ મીડિયા પર ચર્ચાનો વિષય બની છે. જાહેરાત મુજબ સિલ્વર પેકેજની કિંમત ₹ ૧,૦૦૦ છે. તેમાં બે કલાક માટે ગરબાના સાથી તરીકે સાથે રહેવું, મેચિંગ આઉટફિટ (એકસરખા કપડાં), ગરબાની પ્રાથમિક તાલીમ અને સેલ્ફીનો સમાવેશ થાય છે. ગોલ્ડ પેકેજની કિંમત ₹1,500 છે અને તેમાં ચાર કલાક માટે ગરબાના સાથી તરીકે સાથે રહેવાની સુવિધા મળે છે, સાથે જ “અમે કેવી રીતે મળ્યા” તે દર્શાવતો ટૂંકો વીડિયો બનાવવાની સુવિધા પણ આપવામાં આવે છે.

કોમેન્ટ્સ દ્વારા બુકિંગ કરો

આ સેવાનો ભાગ તરીકે ઇન્સ્ટાગ્રામ માટે રીલ્સ અને ફોટા પણ શૂટ કરવામાં આવશે. આમાં પાર્ટનરના મિત્રોને “ભાઈ” અને “ભાભી” તરીકે સંબોધવાનો વિકલ્પ પણ છે. પ્લેટિનમ પેકેજની કિંમત ₹ ૨,૦૦૦ છે અને તેમાં આખો દિવસ ગરબા રમવા, ડાન્સનું નિદર્શન અને તાલીમ, તેમજ કાર્યક્રમ પછી ક્લાયન્ટને સુરક્ષિત રીતે ઘરે પહોંચાડવાની જવાબદારીનો સમાવેશ થાય છે. મિસ્ત્રીએ પોસ્ટના કેપ્શનમાં લખ્યું છે કે જેઓ રસ ધરાવતા હોય તેમણે કોમેન્ટ સેક્શન દ્વારા બુકિંગ કરવું જોઈએ. ઘણા લોકોએ મિસ્ત્રીના આ વિચાર પર પોતાના મંતવ્યો વ્યક્ત કર્યા છે. કેટલાક લોકોએ કોમેન્ટ્સમાં તેને એક અનોખો “સાઇડ બિઝનેસ” ગણાવ્યો છે.

જ્યારે કેટલાક લોકોએ આ પોસ્ટની મજાક ઉડાવી છે. “રેન્ટ અ ગરબા પાર્ટનર” જેવી કોમેન્ટ્સ કરી છે ત્યારે અન્ય લોકોએ તેમના મિત્રોને ટેગ કરીને આ સેવાનો લાભ લેવા પ્રોત્સાહિત કર્યા છે. કેટલાક યુઝર્સે આ ઓફરમાં ગંભીર રસ દાખવ્યો છે અને કોમેન્ટ્સમાં મિસ્ત્રી પાસે વધુ વિગતો માંગી છે.