ગુજરાત સ્થાનિક સ્વરાજ્યની ચૂંટણીનું આજે પરિણામ

ગુજરાતમાં સ્થાનિક સ્વરાજ્ય ચૂંટણી પરિણામ અંતર્ગત ૧૫ મહાનગરપાલિકાઓ, ૮૪ નગરપાલિકાઓ, ૩૪ જિલ્લા પંચાયતો તથા ૨૬૦ તાલુકા પંચાયતોના પરિણામો પર બધાની નજર રહેશે.

ગુજરાતમાં સ્થાનિક સ્વરાજ્યની ચૂંટણી માટે મતદાન ૨૬ એપ્રિલ ૨૦૨૬, રવિવારના રોજ થયું હતું. જેનું પરિણામ આજે ૨૮ એપ્રિલ ૨૦૨૬, મંગળવારના દિવસે સવારે ૦૮:૦૦ વાગ્યાથી આવવાનું શરૂ થઈ જશે. ગુજરાતમાં ૧૫ મહાનગરપાલિકાઓ, ૮૪ નગરપાલિકાઓ, ૩૪ જિલ્લા પંચાયતો તથા ૨૬૦ તાલુકા પંચાયતોના પરિણામો પર બધાની નજર રહેશે. 

રાજ્યની અંદાજે ૧૦ હજાર બેઠકો માટે મેદાનમાં ઉતરેલા 25 હજારથી વધુ ઉમેદવારોનું રાજકીય ભાવિ હવે ઈવીએમ મશીનોમાં કેદ થઈ ગયું છે. વહીવટી તંત્ર દ્વારા ચુસ્ત પોલીસ બંદોબસ્ત વચ્ચે પરિણામો જાહેર થશે.

૭૩૦ બેઠકો પહેલાથી જ બિનહરીફ બની 

સ્થાનિક સ્વરાજની ચૂંટણીના પરિણામો મંગળવારે આવવાના છે. જોકે આ પહેલા જ ભાજપે ભાજપે ૭૩૦ જેટલી બેઠકો બિનહરીફ જીતીને મેદાન મારી લીધું હતું.  ભાજપ સૌથી વધારે સીટો જીતશે તેવો અંદાજ છે. કોંગ્રેસ અને આમ આદમી પાર્ટી કેટલી બેઠકો જીતશે તેના પર બધાની નજર છે.