સામાન્ય જનતાને વધુ એક ફટકો!

ફરી વધ્યા પેટ્રોલ ડીઝલના ભાવ, દેશના મોટા ચાર શહેરોમાં શું છે નવા ભાવ ?

ઓઈલ કંપનીઓ દ્વારા ફરી એકવાર પેટ્રોલ અને ડીઝલના ભાવમાં વધારો કરવામાં આવ્યો છે. ડીઝલના ભાવમાં પ્રતિ લિટર ૯૧ પૈસા અને પેટ્રોલમાં ૮૭ પૈસાનો વધારો કરવામાં આવ્યો છે.

ઓઈલ કંપનીઓ દ્વારા ફરી એકવાર પેટ્રોલ અને ડીઝલના ભાવમાં વધારો કરવામાં આવ્યો છે. ડીઝલના ભાવમાં પ્રતિ લિટર ૯૧ પૈસા અને પેટ્રોલમાં ૮૭ પૈસાનો વધારો કરવામાં આવ્યો છે. દિલ્હીમાં ડીઝલના ભાવ પ્રતિ લિટર ₹ ૯૧.૫૮ અને ₹ ૯૮.૬૪ થયા છે.

સમાચાર એજન્સી ANI અનુસાર કોલકાતામાં પેટ્રોલના ભાવમાં પ્રતિ લિટર ૯૬ પૈસા અને ડીઝલના ભાવમાં પ્રતિ લિટર ૯૪ પૈસાનો વધારો થયો છે. અહીં પેટ્રોલનો નવો ભાવ પ્રતિ લિટર ₹ ૧૦૯.૭૦ થયો છે, જ્યારે ડીઝલનો નવો ભાવ પ્રતિ લિટર ₹ ૯૬.૦૭ થયો છે.

મુંબઈ અને ચેન્નાઈમાં પેટ્રોલ અને ડીઝલના ભાવ શું છે?

મુંબઈમાં પેટ્રોલ અને ડીઝલના ભાવમાં અનુક્રમે ૯૧ પૈસા અને ૯૪ પૈસાનો વધારો કરવામાં આવ્યો છે. પેટ્રોલ અને ડીઝલ હવે પ્રતિ લિટર ₹ ૧૦૭.૫૯ અને ₹ ૯૪.૦૮ ના ભાવે વેચાઈ રહ્યા છે. ચેન્નાઈમાં પેટ્રોલ અને ડીઝલના ભાવમાં અનુક્રમે ૮૨ પૈસા અને ૮૬ પૈસાનો વધારો કરવામાં આવ્યો છે. અહીં પેટ્રોલ અને ડીઝલના નવા ભાવ ₹ ૧૦૪.૪૯ અને ₹ ૯૬.૧૧ નક્કી કરવામાં આવ્યા છે.

પેટ્રોલ અને ડીઝલના ભાવમાં એક અઠવાડિયામાં બીજી વખત વધારો થયો છે

શુક્રવારે પેટ્રોલ અને ડીઝલના ભાવમાં પ્રતિ લિટર ૩ રૂપિયાનો વધારો કરવામાં આવ્યો હતો. છેલ્લા ચાર વર્ષમાં પેટ્રોલ અને ડીઝલના ભાવમાં આ પહેલો વધારો હતો. આ વધારા પહેલા, દિલ્હીમાં પેટ્રોલ ₹ ૯૪.૭૭ પ્રતિ લિટર અને ડીઝલ ₹ ૮૭.૬૭ પ્રતિ લિટર વેચાઈ રહ્યું હતું.

પીએમ પહેલાથી જ પેટ્રોલ અને ડીઝલ બચાવવાની અપીલ કરી ચૂક્યા છે

થોડા દિવસો પહેલા, પશ્ચિમ એશિયામાં તણાવને કારણે ઇંધણ પુરવઠો પ્રભાવિત થઈ રહ્યો છે ત્યારે પીએમ નરેન્દ્ર મોદીએ દેશવાસીઓને પેટ્રોલ અને ડીઝલ બચાવવાની અપીલ કરી હતી. પીએમ નરેન્દ્ર મોદીની અપીલ બાદ, ઘણા રાજ્યોએ ઘરેથી કામ કરવા સહિત અનેક પગલાં અમલમાં મૂકવાનો નિર્ણય લીધો.

આ દરમિયાન ઘણા સંગઠનોએ જાહેરાત કરી છે કે તેઓ પેટ્રોલ અને ડીઝલના વધતા ભાવનો વિરોધ કરવા માટે રસ્તા પર ઉતરશે. દિલ્હીમાં ટેક્સી અને ઓટો ડ્રાઈવર્સ યુનિયનો ભાડા વધારાની માંગણી સાથે ૨૧ મે થી ૨૩ મે સુધી ત્રણ દિવસની હડતાળનું આયોજન કરી રહ્યા છે. 

રાજધાનીમાં ચાલક શક્તિ યુનિયને ૨૧, ૨૨ અને ૨૩ મેના રોજ રસ્તા રોકો આંદોલનનું આહ્વાન કર્યું છે, અને લોકોને આ દિવસોમાં વાહન ચલાવવાથી દૂર રહેવા વિનંતી કરી છે.