કેન્દ્ર સરકારની મોટી જાહેરાત

૨૦૨૯ પહેલાં ભાજપ શાસિત ૨૧ રાજ્યોમાં યુસીસી લાગુ કરવાનો પ્રયાસ

દેશમાં કાયદાકીય એકરૂપતા લાવવાના ઉદ્દેશ સાથે ભારતીય જનતા પાર્ટી અને એનડીએ શાસિત ૨૧ રાજ્યોમાં વર્ષ ૨૦૨૯ પહેલાં સમાન નાગરિક સંહિતા (યુસીસી ) લાગુ કરવા માટે સઘન પ્રયાસો હાથ ધરવામાં આવશે. કેન્દ્રીય ગૃહમંત્રી અમિત શાહે મુંબઈ ખાતે આ મહત્વપૂર્ણ જાહેરાત કરી છે.

હાલમાં દેશના કેટલાક રાજ્યોમાં સમાન નાગરિક સંહિતા લાગુ કરવાની દિશામાં મહત્વના પગલાં ભરીને કાયદાકીય અમલ શરૂ કરી દેવામાં આવ્યો છે. આ સફળતાને આગળ ધપાવતાં હવે ભાજપ અને તેના સહયોગી પક્ષોની સરકાર ધરાવતા તમામ ૨૧ રાજ્યોમાં આગામી સામાન્ય ચૂંટણીઓ પહેલાં તબક્કાવાર રીતે યુસીસી લાગુ કરવાની રૂપરેખા તૈયાર કરવામાં આવી રહી છે.