અહીં અમે તમને એક ખાસ ટ્રીક જણાવી રહ્યા છીએ, જેની મદદથી તમે ખાટા દહીંને મીઠુ બનાવી શકો છો અથવા તો દહીં ખાટું હોય તો પણ તેનો સ્વાદ સુધારી શકો છો. આવો જાણીએ આ કમાલની ટ્રીક વિશે
દહીં એ ભારતીય ભોજનનો એક મહત્વપૂર્ણ ભાગ છે. તે માત્ર ખોરાકનો સ્વાદ બમણો કરવાનું કામ નથી કરતું, પરંતુ દહીં સ્વાસ્થ્ય માટે ખૂબ ફાયદાકારક છે. તેમાં પુષ્કળ પ્રમાણમાં પ્રોબાયોટિક્સ હોય છે, જે સ્વાસ્થ્યને એક સાથે ઘણા ફાયદાઓ પ્રદાન કરે છે. જોકે હવે ઉનાળાની ઋતુ નજીક આવી રહી છે ત્યારે દહીં સંગ્રહ કરવાની મુશ્કેલી વધવા લાગી છે.
ઉનાળાની ઋતુમાં દહીં ઝડપથી ખાટું થઈ જાય છે અથવા જો દહીંને યોગ્ય રીતે ફ્રોઝન ન કરવામાં આવે તો ક્યારેક તે ખાટું થઈ જાય છે. હવે મોટાભાગના લોકોને ખાટા દહીંનો સ્વાદ પસંદ નથી, તેથી તેઓ તેને ફેંકી દેવા મજબૂર બને છે. જો તમે પણ આ લોકોમાંના એક છો, તો આ લેખ તમારા માટે ખૂબ જ ઉપયોગી સાબિત થઈ શકે છે.
અહીં અમે તમને એક ખાસ ટ્રીક જણાવી રહ્યા છીએ, જેની મદદથી તમે ખાટા દહીંને મીઠુ બનાવી શકો છો અથવા તો દહીં ખાટું હોય તો પણ તેનો સ્વાદ સુધારી શકો છો. આવો જાણીએ આ કમાલની ટ્રીક વિશે-
આ આસાન ટ્રિકથી ખાટું દહીં ફ્રેશ થઈ જશે
- આ માટે સૌ પ્રથમ એક મોટા બાઉલમાં દહીં કાઢી લો.
- હવે એક સાફ સુતરાઉ કાપડ લો અને તેમાં દહીં ઉમેરીને હળવા હાથે બાંધી લો. આમ કરવાથી દહીંનું પાણી નીકળવા લાગશે.
- જ્યારે દહીંમાંથી પાણી નીકળી જાય, ત્યારે તેને ફરીથી બાઉલમાં રેડી લો.
- આ પછી બાઉલમાં બરફના ટુકડા ઉમેરો અને સારી રીતે હલાવો.
- હવે તમારે દહીંના વાટકાને 3થી 4 કલાક ઢાંકીને રાખવાનું રહેશે.
- નક્કી કરેલા સમય બાદ તમે જોશો કે દહીંની ઉપર પાણી આવી ગયું છે. આ પાણીને નિતારી લો.
- આ પાણીથી દહીંની બધી જ ખટાશ દૂર થઈ જાય છે અને દહીં પહેલાની જેમ તાજું અને મીઠુ થઈ જાય છે.
આવી સ્થિતિમાં તમે દહીંની ફ્રેશનેસ પાછી મેળવવા માટે આ યુક્તિ અજમાવી શકો છો. આ સિવાય સારા પરિણામ માટે તમે દહીંમાં થોડી માત્રામાં ઈલાયચી પાવડર પણ નાખી શકો છો. આનાથી દહીંનો સ્વાદ સારો આવશે.
