ભીષણ આગ કાબૂમાં આવતા કારણોની તપાસ શરૂ

અમદાવાદમાં આવેલા સાબરમતી યાર્ડમાં પડેલા એક પેસેન્જર કોચ(ડબ્બા)માં અચાનક ભીષણ આગ ફાટી નીકળી હતી. આગ લાગવાના કારણે સમગ્ર યાર્ડ વિસ્તારમાં અફરાતફરીનો માહોલ સર્જાયો હતો, અને ધુમાડાના ગોટેગોટા હવામાં ઉડતા જોવા મળ્યા હતા.

ઘટનાની જાણ થતાં જ સ્થાનિક રેલવે પ્રશાસન અને ફાયરબ્રિગેડની ટીમ તાત્કાલિક ઘટનાસ્થળે દોડી ગઈ હતી.

ફાયરબ્રિગેડના જવાનોએ ઘટનાસ્થળે પહોંચીને ભારે જહેમત બાદ પાણીનો સતત મારો ચલાવીને આગ પર સંપૂર્ણ કાબૂ મેળવ્યો હતો. જેથી આગ અન્ય કોચમાં ફેલાતી અટકી ગઈ હતી.