રાહુલ ગાંધીએ જણાવ્યું કોણ ૬ લોકો ચલાવે છે દેશની સિસ્ટમ
લોકસભામાં વિપક્ષના નેતા રાહુલ ગાંધી ‘છાત્રો કી ગુંજ’ કાર્યક્રમના ભાગરૂપે ઇન્દોરમાં વિદ્યાર્થીઓ સાથે સંવાદ કર્યો હતો. આ દરમિયાન રાહુલ ગાંધીએ કહ્યું કે વિદ્યાર્થીઓ વિના દેશ મજબૂત બની શકતો નથી. વિદ્યાર્થીઓ નફરતથી નહીં પ્રેમથી સંવાદ કરે છે. રાહુલે કહ્યું કે વિદ્યાર્થીઓનો સ્વભાવ છે કે તેઓ પ્રશ્નો પૂછે છે. રાહુલ ગાંધીએ કહ્યું કે દરેક ગરીબને શિક્ષણ મળવું જોઈએ.
ટોપના લેબલ પર છ લોકો બેઠા છે – રાહુલ ગાંધી
રાહુલ ગાંધીએ કહ્યું કે આ લડાઈ સિસ્ટમ વિરુદ્ધ છે. આ સિસ્ટમ શું છે? દેશ સિસ્ટમનો કબજો છે. સિસ્ટમમાં અલગ-અલગ લેયર હોય છે. ટોપના લેબલ પર આ છ લોકો બેઠા છે. નરેન્દ્ર મોદી જી સિસ્ટમ ચલાવે છે, ધમકાવવાનું કામ, વિદ્યાર્થીઓને મારવાનું કામ, કીલ વાળી લાકડીથી મારવાનું કામ, પેલેટ ગનથી મારવાનું અમિત શાહ જી ચલાવે છે.
રાહુલ ગાંધીએ કહ્યું કે તે બાજુ તમે તેમને ઓળખી શકો છો કે નહીં. આ અજીત ડોભાલ જી છે. રાષ્ટ્રીય સુરક્ષા સલાહકાર. ઇનફોર્મલ વાતચીતમાં એ કહી શકીએ કે જો હિન્દુસ્તાનને કંટ્રોલ કરવું છે તો માત્ર ૫૦૦ લોકોને કંટ્રોલ કરવાની જરૂર છે. આ અજીત ડોભાલ જી છે, તેઓ ભારતના ટેલિફોન, વોટ્સએપ, ફેસબુક અને કોમ્યુનિકેશન પર કબજો જમાવી રહ્યા છે. તેઓ ફોન ટેપિંગ કરાવે છે અને આ માહિતી અમિત શાહ જી અને નરેન્દ્ર મોદી જીને આપે છે. આ ફોનની અંદર ડોભાલજી બેઠા છે, ડોભાલ જી તમારા ફોનની અંદર બેઠા છે.
રાહુલ ગાંધીએ કહ્યું કે મોહન ભાગવત જી વચ્ચે છે. જેઓ વિચારધારા વિશે વાત કરે છે. તેમના સંગઠનને શાળા, કોલેજ અને સંસ્થાઓ ચલાવવા માટે હજારો કરોડ રૂપિયા આપવામાં આવે છે.
રાહુલ ગાંધીએ આગળ કહ્યું કે એક સાઇડમાં અદાણી જી અને બીજી સાઇડમાં અંબાણી જી છે. અદાણી જી આખું ફાઇનાન્સ કરે છે. તમારી શાળા કે યુનિવર્સિટીના કોન્ટ્રાક્ટમાંથી જે પૈસા કમાય છે. તે બધા જ પૈસા ફેરવીને ભાજપને આપવામાં આવે છે. નરેન્દ્ર મોદીજી ની માર્કેટિંગ અને સિસ્ટમને ચલાવવા માટે.
કલ્પેશ એન લીંબાસિયા
વિશ્વ સમાચાર રિપોર્ટર
