અમદાવાદ શહેરના નવનિર્મિત મકરબા રેલવે ઓવરબ્રિજ પરથી ગુરુવારે(૦૧ ઓક્ટોબર) બપોરે એક વ્યક્તિએ છલાંગ લગાવી આત્મહત્યા કરી છે. ઘટના અંગે જાણ થતાં જ સરખેજ પોલીસનો કાફલો ઘટનાસ્થળે દોડી ગયો હતો અને આગળની કાયદેસરની કાર્યવાહી હાથ ધરી છે.
સરખેજ પોલીસ સ્ટેશનમાંથી મળતી વિગતો મુજબ, ગુરુવારે બપોરે આશરે ૦૩:૦૦ વાગ્યાના સુમારે આ ઘટના બની હતી. બનાવની ગંભીરતાને ધ્યાને લઈ પીઆઈ સહિતનો પોલીસ કાફલો તુરંત સ્થળ પર પહોંચ્યો હતો અને તપાસનો દોર સંભાળ્યો હતો.
પ્રાથમિક તપાસ મુજબ, મૃતક મકરબા વિસ્તારનો જ સ્થાનિક રહીશ હતો અને બ્રિજ નજીક આવેલી સોસાયટીમાં પોતાના પરિવાર સાથે રહેતો હતો. હાલમાં પોલીસે મૃતકની વિધિવત ઓળખ કરવા સહિતની દિશામાં તપાસ આરંભી છે.
કલ્પેશ એન લીંબાસિયા
વિશ્વ સમાચાર રિપોર્ટર
