ગરમીમાં લીલા પાંદડા વાળા શાકભાજી કેવી રીતે લાંબા સમય સુધી ફ્રેશ રાખવા? -

ગરમીમાં કોથમીર, ફુદીના ફ્રેશ રહેતા નથી. જો તમે તેમને સંગ્રહિત કરવા માટેની ટિપ્સ જાણો છો, તો તમે આ લીલા પાંદડાવાળા વસ્તુઓને લાંબા સમય સુધી તાજી અને ઉપયોગી રાખી શકો છો.

ઉનાળો શરૂ થઇ ગયો છે, અસહ્ય ગરમીમાં લીલા શાકભાજી પણ ફ્રેશ રહેતા નથી. તાજા લીલા પાંદડાવાળા શાકભાજી માત્ર ખોરાકનો સ્વાદ જ નથી વધારતા પણ સ્વાસ્થ્ય માટે પણ ફાયદાકારક છે. આ કારણે, લોકો ઘણીવાર તેમને મોટી માત્રામાં ખરીદીને ઘરે લાવે છે. જો કે, અયોગ્ય સંગ્રહને કારણે, આ લીલા પાંદડા શાકભાજી ઘણીવાર ૧-૨ દિવસમાં સુકાઈ જાય છે અથવા બગડી જાય છે.

ગરમીમાં કોથમીર, ફુદીના ફ્રેશ રહેતા નથી. જો તમે તેમને સંગ્રહિત કરવા માટેની ટિપ્સ જાણો છો, તો તમે આ લીલા પાંદડાવાળા વસ્તુઓને લાંબા સમય સુધી તાજી અને ઉપયોગી રાખી શકો છો. આ રસોડાની ટિપ્સથી તમે કોથમીર અને ફુદીનાને લાંબા સમય સુધી ફ્રેશ રાખી શકો છો.

લીલા પાંદડા વાળા શાકભાજી ફ્રેશ રાખવાની ટિપ્સ

કોથમીર ફ્રેશ રાખવાની ટિપ્સ

કોથમીરને તાજી રાખવા માટે, તેના પાંદડા પાણીથી ધોઈ લો અને પછી તેને સૂકવી લો. ટુવાલ અથવા પેપરમાં લપેટીને હવાચુસ્ત પાત્રમાં સ્ટોર કરો.

મીઠો લીમડો ફ્રેશ રાખવાની ટિપ્સ

મીઠો લીમડો સંગ્રહવા માટે, પાંદડાને ડાળીથી અલગ કરો. હવે એક હવાચુસ્ત પાત્ર લો, તેને ટુવાલથી ઢાંકી દો, તેમાં પાંદડા ઉમેરો અને રેફ્રિજરેટરમાં સ્ટોર કરો.

ફુદીના ફ્રેશ રાખવાની ટિપ્સ

ફુદીનાને તાજો રાખવા માટે, દાંડીને થોડી કાપો.એક ગ્લાસમાં થોડું પાણી રેડો અને તેમાં ફુદીનો ઉમેરો. તેને પ્લાસ્ટિકની થેલીથી ઢાંકી દો અને પછી તેને ફ્રિજમાં મૂકો.

તુલસી ફ્રેશ રાખવાની ટિપ્સ

તુલસીને સંગ્રહિત કરતા પહેલા ધોશો નહીં. બીજા છોડની જેમ જ તુલસીના છોડને એક ગ્લાસ પાણીમાં નાખો. તુલસીનો છોડ ફક્ત ત્યારે જ ધોઈ લો જ્યારે તમે તેનો ઉપયોગ કરવા માંગતા હોવ.

પાલક ફ્રેશ રાખવાની ટિપ્સ

પહેલા પાલકને સારી રીતે ધોઈ લો અને પછી તેને સંપૂર્ણપણે સુકાવા દો. આ પછી, તેને કાપડની થેલીમાં અથવા એવા કન્ટેનરમાં રાખો જેના તળિયે કાગળ હોય. પછી કન્ટેનરને રેફ્રિજરેટરમાં મૂકો. આ રીતે, પાલક ઝડપથી સુકાઈ જશે નહીં અને લાંબા સમય સુધી તાજી રહેશે.

વિશ્વ સમાચાર રિપોર્ટર

( કલ્પેશ એન લીંબાસિયા )